Lögreglan á höfuðborgarsvæðinu handtók mann í gærkvöldi sem hafði komið sér fyrir í herbergi á gistiheimili, í vesturhluta borgarinnar, án þess að mega það. Hann er grunaður um húsbrot, eignaspjöll og vörslu ávana- og fíkniefna. Hann var vistaður í fangageymslu.

Tveir ökumenn voru handteknir grunaðir um að vera undir áhrifum ávana- og fíkniefna. Annar þeirra var vægast sagt ósamvinnuþýður og veittist að lögreglumanni á vettvangi. Ökumaðurinn var vistaður í fangageymslu.

Ofurölvi kona var flutt á bráðamóttöku úr Miðborginni til aðhlynningar en hún var meðvitundarlítil.

Maður var kærður fyrir eignaspjöll en hann er grunaður um að hafa brotið rúðu í verslun í Miðborginni.