Hafin er leit að þýskum ferðamanni í eyðibyggðinni á Flateyjardal á skaganum milli Eyjafjarðar og Skjálfanda. Fjölmennt lið björgunarsveita og lögreglu er þar nú að störfum. Þetta kemur fram á vef RÚV.
Týndi maðurinn er í eldri kantinum, fæddur árið 1947. Hann skildi bílinn sinn eftir við eyðibýlið Hof fyrir tveimur vikum. Skildi hann eftir bréf þar sem hann sagðist ætla að ganga út Flateyjardal yfirí Fjörður og aftur til baka.
Samkvæmt upplýsingum frá lögreglu verður lögð áhersla á ítarlega leit að manninum fram á kvöld en slæm veðurspá er fyrir morgundaginn. Hafin er rannsókn á ferðum mannsins í samvinnu við ættingja hans.
Lögreglan á Norðurlandi eystra hefur nú nafngreint manninn og birt mynd af honum og bílnum. Maðurinn heitir Bernd Meyer. Fékk lögreglan ábendingu í gærkvöld um að bíll Meyers hefði staðið óhreyfður í marga daga. Í tilkynningu lögreglunnar um málið segir:
„Við viljum gjarnan fá upplýsingar frá þeim sem hafa hugsanlega hitt Bernd Meyer eða hafa einhverjar upplýsingar um ferðir hans. Vinsamlega setjið þá inn skilaboð á nordurland.eystra@logreglan.is eða hringið í síma 444-2800.“
Sjá nánar með því að smella á tengilinn hér að neðan:
