Skömmu fyrir klukkan 19:00 í kvöld fann áhöfn þyrlu Landhelgisgæslunnar látna manneskju í svo kölluðum Skriðum austan Hvalvatnsfjarðar.
Þetta kemur fram í tilkynningu sem lögreglan á Norðurlandi eystra birti á Facebook-síðu sinni. Lögreglan telur líkur á að um sé að ræða aðila sem leitað hefur verið að í dag á svæðinu. Lögreglan er þá að tala um þjóðverjann Bernd Meyer sem leitað var að í dag.
Það á hinsvegar eftir að staðfesta með formlegum hætti hvort að um Meyer sé að ræða eða ekki.
