Um klukkan 14:00 voru viðbragðsaðilar á Suðurlandi kallaðir til vegna alvarlegs slyss í Brúará við Miðfoss. Maður hafði hafnað í ánni og borist niður eftir henni.

Þyrla Landhelgisgæslunnar var þá kölluð til og fann hún manninn eftir skamma leit. Maðurinn var látinn þegar hann fannst en endurlífgunartilraunir báru ekki árangur.

„Viðbragðsaðilar eru enn að störfum á vettvangi og vinnur rannsóknardeild lögreglunnar á Suðurlandi að rannsókn málsins. Ekki er unnt að veita frekari upplýsingar um málið að svo stöddu,“ segir í tilkynningu frá lögreglunni á Suðurlandi.