fbpx
Mánudagur 24.mars 2025
Fréttir

Brynjar gagnrýnir grín á fegurðardrottningarnar – „Hæðni er vandmeðfarin og við erum mis viðkvæm“

Ritstjórn DV
Þriðjudaginn 12. júlí 2022 17:15

Ekki missa af Helstu tíðindum dagsins í pósthólfið þitt

Lesa nánar

Brynjar Níelsson, aðstoðarmaður dómsmálaráðherra, er ekki alls kostar sáttur við hvernig gert hefur verið grín að þátttakendum í keppninni „Miss Universe Iceland“.

Ljósmynd sem sýnir nokkra keppendur, er virðast afar áþekkar útlits, hefur orðið tilefni að gríni, sérstaklega á Twitter.

Sjá einnig: Stólpagrín gert að Miss Universe Iceland

Brynjar segir að hæðni sé vandmeðfarin en samt þurfum við að gera grín hvert að öðru. Svo segir í pistli hans:

„Hæðni er vandmeðfarin og við erum mis viðkvæm þegar hún beinist að okkur sjálfum. Sumir eru mjög viðkvæmir fyrir glensi og jafnvel fyrir hönd annarra, til dæmis ýmissa minnihlutahópa, eins og hörundsdökka, transfólk, samkynhneigða og annað fólk sem er öðruvísi en fjöldinn og því í viðkvæmri stöðu. Er það mjög skiljanlegt.

Það er nú samt svo að maðurinn er spaugilegt fyrirbæri. Ef við hættum að gera grín hvert að öðru erum við dauðans matur, að minnsta kosti andlega. En hæðni er ekki sama og hæðni. Það er nefnilega til góð hæðni og vond hæðni, alveg eins og það er til gott fólk og slæmt fólk. Ekkert af okkur mannfólkinu er þó fullkomið og við gerum öll mistök í lífinu. Þess vegna er fyrirgefningin mikilvæg.“

Brynjar óskar þess að það dragi úr vondu hæðninni en þeirri góðu vaxi ásmegin. Hann átti sig samt á því að kannski virðist boðskapur hans koma úr hörðustu átt:

„Ágætt væri ef við gætum dregið úr vondu hæðninni. Vond hæðni er sú sem hefur þann tilgang að niðurlægja fólk og er sett fram af andúð, illgirni og fórdómum. Tilefni þessarar færslu er að ég tók eftir því á samfélagsmiðlum að margir þeirra sem eru alla jafna hvað mest móðgaðir og misboðið yfir glensi annarra keppast hver við annan að niðurlægja með hæðni stúlkur sem keppa í fegurðarsamkeppni Íslands.

Einhverjum kann að finnast þessi boðskapur koma ur hörðustu átt. Kannski er ég ekki alsaklaus en man þó bara eftir einu glensi þar sem ég gerði hallærislegt grín að áhrifavöldum. Baðst afsökunar á því daginn eftir.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 9 klukkutímum

Svefnvana Jón varð vitni að skemmdarverki – Sjáðu myndina

Svefnvana Jón varð vitni að skemmdarverki – Sjáðu myndina
Fréttir
Fyrir 10 klukkutímum

Heimir Már tætir RÚV í sig og Sunna Karen svarar – „Þú fékkst upplýsingar um að fréttin færi í loftið klukkan 18“

Heimir Már tætir RÚV í sig og Sunna Karen svarar – „Þú fékkst upplýsingar um að fréttin færi í loftið klukkan 18“
Fréttir
Fyrir 2 dögum

Ökumaður skemmdi fjóra bíla við Æsufell

Ökumaður skemmdi fjóra bíla við Æsufell
Fréttir
Fyrir 2 dögum

Mynd Eggerts af björgunarstörfum í Grindavík er fréttamynd ársins 2024

Mynd Eggerts af björgunarstörfum í Grindavík er fréttamynd ársins 2024