Alvarlegt umferðarslys varð á vegi 204 í Meðallandi í Skaftárhreppi í morgun. Þetta kemur fram í tilkynningu frá Lögreglunni á Suðurlandi.
Kona sem var farþegi í bílnum lést. Tveir aðrir farþegar voru fluttir mikið slasaðir á sjúkrahús með þyrlu. Ökumaður bílsins slapp án meiðsla. Málið er í rannsókn og frekari upplýsingar um hana verða ekki gefnar að sinni, segir í tilkynningu lögreglunnar. Veginum var lokað á meðan rannsókn á vettvangi fór fram en hefur verið opnaður að nýju.
