Líkur eru á því að öll bílastæði við Keflavíkurflugvöll fyllist á næstu dögum. Erfitt gæti orðið að fá bílastæði við flugvöllinn við brottför í þessum júlímánuði nema að þau séu bókuð á netinu með góðum fyrirvara. Þetta kemur fram í tilkynningu frá Isavaia en þar segir:

„Gera má ráð fyrir því að langtímabílastæði við Keflavíkurflugvöll fyllist á næstu dögum og erfitt verið að fá bílastæði við flugvöllinn við brottför í júlímánuði nema að þau séu bókuð á netinu með fyrirvara. Farþegar er hvatt til að bóka bílastæði við flugvöllinn með góðum fyrirvara fyrir brottför til að tryggja sér stæði.

Bókunarkerfi fyrir bílastæði er að finna á vefsíðu Keflavíkurflugvallar og þar er hægt að fá bílastæðin á betri kjörum en þegar greitt er við hlið. Því fyrr sem bókað er, því lægra verð fæst.

Komi til þess að bílastæði verði fullnýtt eru farþegar, sem ekki eru með bókuð stæði, hvattir til að kanna notkun annarra samgöngumáta til að komast til og frá flugvellinum. Nánari upplýsingar um samgöngur til og frá Keflavíkurflugvelli má finna hér.“