Alexandra Eldey, sem var aðeins 20 mánaða gömul, lést úr bráðri heilahimnubólgu laugardaginn 18. júní, í Madrid á Spáni.
Fréttablaðið greinir frá þessu og einnig frá söfnun sem hafin er til styrktar fjölskyldu Alexöndru Eldeyjar. Fjölskyldan hefur einnig veitt DV leyfi til að greina frá söfnuninni.
Veikindi Alexöndru Eldeyjar gerðu vart við sig í fluginu rétt fyrir komu fjölskyldunnar til Madrid miðvikudagskvöldið 15. júní. Farið var með hana beint eftir flugið á sjúkrahús. Í frétt Fréttablaðsins kemur fram að allt hafi verið gert af hálfu starfsfólks sjúkrahússins til að bjarga lífi stúlkunnar.
Hægt er að leggja söfnuninni lið með því að leggja inn á eftirfarandi reikning hjá Íslandsbanka: Kt. 020190-3029 0537-14-104955
Í Facebook-færslu sem Edda Sveinsdóttir, móðursystir stúlkunnar, birti, segir:
Kæra fjölskylda og vinir
Elskuleg Alexandra Eldey dóttir Birgittu systur minnar og Finnboga Darra lést af völdum bráðrar heilahimnubólgu á sjúkrahúsi í Madrid að morgni laugardags þann 18. júní.
Alexandra Eldey, sem var rétt rúmlega eins og hálfs árs, veiktist í fluginu rétt fyrir komuna til Madrid að kvöldi 15. júní. Fóru foreldrarnir strax með hana á sjúkrahús þar sem henni var vel sinnt, teknar ýmsar prufur og gerðar rannsóknir. Hún fékk lyf og fór að hressast og var því á batavegi þegar þau fengum að fara heim með hana undir morgun. Að kvöldi næsta dags veiktist hún mjög hratt og fóru þau strax á sjúkrahúsið aftur, þaðan var hún flutt á háskólasjúkrahúsið í Madrid sem var betur til þess fallið að sinna hennar veikindum. Þau fengu strax góðar og faglegar móttökur þar sem þeim var vel sinnt. Læknar og hjúkrunarfólk gerði allt sem í þeirra valdi stóð til að bjarga Alexöndru og er fjölskyldan þakklát fyrir alla þá umönnun sem litlu frænku minni og foreldrum hennar var veitt.
Mjög margir hafa haft samband og vilja leggja þeim lið. Því höfum við stofnað styrktarreikning til minningar um Alexöndru Eldey Finnbogadóttur til að létta þeim róðurinn í því sem framundan er.
Reikningsupplýsingar:
Kt. 020190-3029
0537-14-104955
Greiðsluupplýsingar fyrir þá sem eru búsettir erlendis og vilja styrkja fjölskylduna:
IBAN:IS800537141049550201903029
Swift: GLITISRE
