Uppfært: Konan er fundin, heil á húfi.
Lögreglan á höfuðborgarsvæðinu lýsir eftir Maríu Björnsdóttur, 82 gamalli konu. Ekki er vitað um ferðir hennar síðan hún fór frá Hrafnistu klukkan hálftíu í morgun.
Tilkynning lögreglu um málið er eftirfarandi:
„Lögreglan á höfuðborgarsvæðinu lýsir eftir Maríu Björnsdóttur, 82 ára. Hún er 160 sm á hæð, grannvaxin, gráhærð og stuttklippt. María gengur með gleraugu eð dökkri umgjörð. María er klædd í rauðbrúna úlpu/peysu (svipar til loðinnar flíspeysu), svartar buxur og dökkbláa gönguskó. Hún er með dökkbrúna prjónavettlinga með hvítum doppum. María er heilabiluð en líkamlega hraust. Síðast er vitað um ferðir
Maríu er hún sást fara frá Hrafnistu í Hafnarfirði um kl. 08:30 í morgun og taka stefnuna í átt að Prýðahverfinu. Ekki er útilokað að hún hafi farið í strætó en hún er peningalaus og án farsíma.
Þau sem geta gefið upplýsingar um ferðir Maríu, eða vita hvar hana er að finna, eru vinsamlegast beðin um að hafa tafarlaust samband við lögregluna í síma 112.“
Lögreglan vill koma því á framfæri að hópar björgunarsveitarmanna taka nú þátt í leitinni að Maríu. Einnig vill hún láta það koma fram að María er líkamlega hraust þó að hún sé með heilabilun.
Konan er fundin, heil á húfi.
