fbpx
Fimmtudagur 27.febrúar 2025
Fréttir

Segja að ef ný stórsókn Rússa eigi að takast verði þeir að forðast þessi mistök

Kristján Kristjánsson
Miðvikudaginn 20. apríl 2022 06:00

Rússneskir hermenn í Úkraínu. Mynd:EPA

Ekki missa af Helstu tíðindum dagsins í pósthólfið þitt

Lesa nánar

Rússar hafa nú hafið stórsókn í Donbas í austurhluta Úkraínu. Sóknin markar kaflaskil í stríðinu sem hefur nú staðið í tæpa tvo mánuði. Átökin um Donbas geta skipt sköpum varðandi það hvernig stríðinu lýkur.

Jótlandspósturinn fékk tvo sérfræðinga til að segja hverju þeir fylgjast sérstaklega með nú á þessu stigi stríðsins. Þetta eru þeir Jens Wenzel Kristoffersen, kapteinn og sérfræðingur hjá miðstöð hernaðarrannsókna við Kaupmannahafnarháskóla, og Claus Mathiesen, lektor við danska varnarmálaskólann.

Þeir voru sammála um að Rússar hafi gert mörg slæm mistök í upphafi stríðsins. Hugsanlega hafi þeir ofmetið eigin getu og vanmetið andstæðinga sína. Þeir sögðu að nú sé spurningin hvort Rússar hafi lært af mistökunum eða muni endurtaka þau í Donbas.

Kristoffersen benti á að Rússar hafi fram að þessu gert árásir á mörgum stöðum samtímis í stað þess að einbeita sér að fáum stöðum í einu. Þetta hafi ekki gefist vel. Hann benti á að í Donbas hafi úkraínski herinn haft langan tíma til að koma sér fyrir. Mathiesen tók í sama streng og sagði að ekki sé víst að Rússar lært af reynslunni. Við fyrstu sýn virðist sem þeir hafi hafið árásina á breiðri víglínu. Hugsanlega sé um meðvitaða taktík að ræða þar sem þeir hald úkraínsku varnarsveitunum uppteknum og leið sé kannað hvar varnirnar séu veikastar fyrir.

„En þetta getur líka verið merki um að þeir hafi í raun ekki lært neitt og reyni aftur að sækja fram á breiðri víglínu, í þessu tilfelli um 1.000 km, og geti þar með ekki lagt nauðsynlegan þunga í árásina,“ sagði Mathiesen.

Hann benti einnig á að Rússar verði að hafa birgðaflutningana í lagi en það áttu þeir í vandræðum með við Kyiv. Á móti er það þeim í hag að í austurhluta Úkraínu er landið mun opnara en norðar, við Kyiv, þar sem er mikið skóglendi. Opið land gerir skriðdrekum og brynvörðum ökutækjum miklu auðveldara fyrir með að sækja fram.

Kristoffersen benti á að það krefjist þess samt að Rússar tefli fram miklu fleiri hermönnum en Úkraínumenn. Hann sagði að þumalfingurreglan í hernaðartækni væri að árásarherinn verði að vera með 3 hermenn á móti hverjum 1 hermanni varnarliðsins. Það sé þumalputtareglan í klassískum skriðdrekahernaði, hvort það dugi til í raun og veru sé hins vegar vafasamt. Líklega verði liðsmunurinn að vera enn meiri.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 21 klukkutímum

Kona sem þvinguð var í vændi þarf að sitja í íslensku fangelsi

Kona sem þvinguð var í vændi þarf að sitja í íslensku fangelsi
Fréttir
Fyrir 21 klukkutímum

Björn kom í veg fyrir stórslys á Sandgerðisvegi – „Þetta var rosalegt“

Björn kom í veg fyrir stórslys á Sandgerðisvegi – „Þetta var rosalegt“
Fréttir
Fyrir 23 klukkutímum

Inga María ekkja Egils Þórs varð hugsi yfir orðum sem féllu um hann í jarðarför hans

Inga María ekkja Egils Þórs varð hugsi yfir orðum sem féllu um hann í jarðarför hans
Fréttir
Fyrir 23 klukkutímum

Ferðamaður á Íslandi fékk afar dularfulla heimsókn – „Hefur einhver upplifað eitthvað svona?“

Ferðamaður á Íslandi fékk afar dularfulla heimsókn – „Hefur einhver upplifað eitthvað svona?“
Fréttir
Í gær

Trump hyggst selja ríkum útlendingum leyfi til að starfa og búa í Bandaríkjunum – Gullkortið mun kosta um 700 milljónir

Trump hyggst selja ríkum útlendingum leyfi til að starfa og búa í Bandaríkjunum – Gullkortið mun kosta um 700 milljónir
Fréttir
Í gær

Nígeríumaður gripinn í Leifsstöð

Nígeríumaður gripinn í Leifsstöð