Serhiy komst í Heimsmetabók Guiness 2019 fyrir að hafa lokið maraþonhlaupi í fullum herklæðnaði. Eftir að Rússar réðust inn í Úkraínu tók Serhiy að sér njósnastörf fyrir úkraínsku varnarsveitirnar og njósnaði um rússneskar skriðdrekasveitir og staðsetningu þeirra.
En 12. mars hvarf hann skyndilega. 17 dögum síðar fannst lík hans.
Ekki er vitað með vissu hvað gerðist á þessum tíma en móðir hans, Antonina, sagði í samtali við fulltrúa Kharkiv Human Rights Protection Group að líklega hafi verið setið fyrir Serhiy og félögum hans og þeir teknir til fanga. Greinileg för eftir handjárn voru á úlnliðum hans.
Suspilne segir að ástæða sé til að telja að hann hafi ekki verið drepinn strax eftir að hann var handsamaður.
Antonina hefur fengið þær upplýsingar frá yfirvöldum að honum hafi verið haldið föngnum í kjallara og að þar hafi hann verið pyntaður. Greinilega ummerki eftir pyntingar séu á líki hans. Líklega hafi hann verið pyntaður til bana.
