The Sun segir að talið sé að hugmyndasmiðurinn á bak við þessar árásir á Maríupól sé rússneski hershöfðinginn Mikhail Mizintsev. Hann hefur nú verið nefndur „Slátrari Maríupól“. Hann er forstjóri rússnesku rússnesku varnarmálaskrifstofunnar.
Úkraínsk yfirvöld segja að Mizintsev sé hugmyndasmiðurinn á bak við árásirnar á Maríupól og þar með á fæðingardeild í borginni og á leikhús þar sem allt 1.000 almennir borgarar höfðu leita skjóls undan sprengjuregninu.
Sergey Bratchuck, talsmaður úkraínsku herstjórnarinnar í Maríupól, skrifaði á samfélagsmiðla að Maizintsev hafi gefið fyrirmæli um árásir á fæðingardeild, barnasjúkrahús, leikhús og heimili almennra borgara. „Hann er að eyða Maríupól eins og hann eyddi sýrlenskum borgum,“ skrifaði hann.
Þegar Minitsey tjáði sig um umsátrið um Maríupól endurtók hann orð rússneska yfirvalda og kenndi Úkraínumönnum um „hryðjuverkin“ í borginni og kallaði þá „nýnasista“ og „glæpamenn“.
Olexander Scherba, fyrrum sendiherra Úkraínu í Austurríki, gaf Mizintsev viðurnefnið „Slátrari Maríupól“ og deildi upptöku af samskiptum Mizintsev og undirforingja í rússneska hernum en Úkraínumenn hleruðu samtalið. Scherba birti þýðingu á samtalinu á Twitter. Í því heyrist Mizintsev fordæma hermann fyrir að vera ekki í einkennisbúningi og segir hann „úrhrak af hæstu gráðu“. „Af hverju er ekki búið að afmynda andlit hans? Af hverju er enginn búinn að skera eyrun af honum? Af hverju er þessi fáviti ekki haltur? Þegar hann fer út að næturlagi stökkva óþekktir árásarmenn á hann. Stökkva bara á hann og berja aftur og aftur, berja hann í andlitið með flösku,“ er hann sagður hafa sagt við undirforingjann.
Mizintsev var að sögn heilinn á bak við hluta af aðgerðum rússneska hersins í Sýrlandi 2016 þar sem Rússar gerðu loftárásir, þar á meðal á borgina Aleppo. Þar gerðu þeir meðal annars loftárás á sjúkrahús og létust 53 í henni. Rússneskar hersveitir notuðu klasasprengjur og fleiri álíka vopn til að gera valda almennum borgurum sem mestum skaða. Rússar eru einnig sagðir hafa aðstoðað sýrlenska stjórnarherinn við að gera efnavopnaárásir á Aleppo.
