Vítalía Lazareva hefur lagt fram kæru hjá lögreglunni á höfuðborgarsvæðinu vegna kynferðisbrota. Hún deilir á Twittersíðu sinni mynd af kvittun frá kærumóttökunni og segir: Stór dagur í dag fyrir mig og vonandi betra samfélag.
Vísir.is greinir frá því að hún hafi lagt fram kæru á hendur Þórði Má Jóhannessyni, Ara Edwald og Hreggvið Jónssyni fyrir kynferðisbrot. Hún hafði áður sakað þá um að hafa brotið á sér kynferðislega í sumarbústaðarferð í árslok 2020.
Stór dagur í dag fyrir mig og vonandi fyrir betra samfélag. pic.twitter.com/NTundVlQ4u
— Vítalía Lazareva (@LazarevaVitalia) March 22, 2022
Vítalía kom fram í þættinum Eigin konur í ársbyrjun þar sem hún greindi frá því að sumarbústaðarferð þar sem þjóðþekktir menn hefði brotið á henni kynferðislega, þeirra á meðal giftur maður sem hún átti þá í ástarsambandi við – Arnar Grant. Hina mennina þrjá sem voru með í bústaðnum hefur hún sumsé kært.
