Hakkarahópurinn Anonymous hefur náð að stela leyniskjölunum frá alríkisstofnuninni Roskomnadzor sem hefur fullt vald yfir öllum miðlum í Rússlandi. Um er að ræða 820 gígabæt af tölvupóstum sem sýna hvernig Kremlverjar ritskoða allt með sem hefur tilvísun til hrottalegrar innrásar þeirra í Úkraínu. Innrásin er nefnd „sérstök hernaðaraðgerð“.
Anonymous hópurinn hefur birt gögnin á Netinu og segir í yfirlýsingu að „þeim finnist brýnt að rússneska þjóðin hafi aðgang að upplýsingum um ríkisstjórn sína,“
Roskomnadzor stofnunin hefur lokað fyrir aðgengi að Facebook og Twitter í Rússlandi og hefur takmarkað aðgengi að Wikipedia vegna greina um innrásina í Úkraínu.
Þann 24. febrúar skipaði stofnunin öllum fjölmiðlum að nota aðeins opinberar upplýsingaveitur sem ríkið hefur viðurkennt eða sæta harðri refsingu fyrir að dreifa „falsfréttum“. Orðin „stríð, „innrás“ og „árás“ eru öll bönnuð í notkun þegar lýst er hernaðaraðgerðum Rússa í Úkraínu.
Óttast er að stjórnvöld í Rússlandi loki á internetið hvenær sem er frá og með deginum í dag og er það von hakkarana að gögnunum verði deilt sem víðast í Rússlandi til að afhjúpa ritskoðunina áður en til þess kemur.
Undanfarinn áratug hefur Roskomnadzor krafist þess að bandarísk fyrirtæki, þar á meðal Google, fjarlægi efni vegna úkraínskra mótmæla.
Í bréfi frá Andrei Chernenko, sem er staðgengill ráðherra Rússlands yfir ,,stafrænu öryggi”, er skorað á rússneskar ríkisvefsíður og gáttir að auka öryggi frá og með deginum í dag. Hann skipaði þeim að nota einingus rússneska þjónustu og fjarlægja JavaScript kóða sem hlaðið var niður frá erlendum aðilum. Ráðherra fól einnig vefþjónustum að skipta yfir í lénakerfisþjóna (DNS) á rússneskri grundu.
Alþjóðlegt DNS gerir fólki um allan heim kleift að nota internetið auðveldlega og bannið gefur til kynna að Rússland muni loka sig alfarið frá alþjóðlegu kerfi og innleitt sitt eigið.
Stjórnvöld í Rússlandi réttlæta tilskipunin með því að hún sé aðeins til að auka öryggi í ljósi endurtekinna netárása, en sérfræðingar óttast að Rússland sé alfarið að tengja sig frá alheimsnetinu.
Fyrr í vikunni sagðist Anonymous hafa brotist inn í rússneskt ríkissjónvarp til að sýna upptökur af stríðinu í Úkraínu og segja að stafrænu árásirnar séu stærstu aðgerð þeirra til þessa. Í síðustu viku sögðust hakkararnir einnig hafa lokað rússnesku geimferðastofnuninni svo Pútín „hefði ekki lengur stjórn á gervihnöttum til njósna“.
Fregnir herma að kínverski fjarskiptarisinn Huawei hafi komið Rússum til hjálpar til að verjast vestrænum netárásum en samkvæmt kínverskum ríkismiðlum hefur tæknirisinn verið að ,,aðstoða Pútín til að koma á stöðugleika í netkerfi Rússlands.” Í skýrslu sem birtist á kínverskri fréttasíðu var haldið fram að Huawei myndi nota rannsóknarstöðvar sínar til að þjálfa „50.000 tæknifræðinga í Rússlandi“. Skýrslunni var síðar eytt.
Aftur á móti óttast kínversk fyrirtæki refsiaðgerðir frá Bandaríkjunum ef sannast að þau séu að hjálpa Rússum.
