Myndbandið hefur fengið milljónir áhorfa síðan það var birt en það var Marta Smekhova sem birti það fyrst á Facebook. Á því sést fólk safnast saman í kringum stúlkuna þegar hún syngur „Let It Go“ af miklu æðruleysi á móðurmáli sínu í loftvarnarbyrgi í Kyiv sem sætir nú hörðum árásum rússneska hersins.
Meðal þeirra sem hafa tjáð sig um söng litlu stúlkunnar er Idina Menze, sem lagði Elsu til rödd í teiknimyndinni Frozen sem lagið er úr. Hún skrifaði á Twitter: „Við sjáum þig. Við sjáum þig svo vel.“
Í færslu sinni, með myndbandinu, skrifaði Smekhova að hún hafi talað við litlu stúlkuna þegar hún sá hana vera að teikna „bjartar myndir“ í lélegri birtunni í loftvarnarbyrginu. „Hún sagði mér að auk þess að syngja elski hún að syngja . . . og hvíslaði að draumur hennar væri að syngja á stóru sviði fyrir framan áhorfendur. Ég spurði hana hvort hún sæi hversu margt fólk væri hér? Syngdu fyrir það,“ skrifað hún.
Hún sagðist hafa haft áhyggjur af að enginn myndi heyra Amelia syngja: „Frá fyrsta orðinu var algjör þögn í loftvarnarbyrginu. Allir ýttu verkefnum sínum til hliðar og hlustuðu á söng stúlkunnar sem geislaði af. Meira að segja karlarnir gátu ekki haldið aftur af tárunum.“
Smekhova fékk leyfi hjá móður Amelia til að birta myndbandið á Facebook og lofaði henni að heimsbyggðin myndi fá að sjá það.
