Nokkuð fjölmenn mótmæli voru haldin seinni partinn við rússneska sendiráðið hér á landi í dag. Verið var að mótmæla innrás Rússlands í Úkraínu sem hófst snemma í morgun. Fólk frá Íslandi, Úkraínu, Rússlandi og fleiri löndum var mætt til að mótmæla innrásinni.
Mótmælendur mættu með skilti með ýmsum skilaboðum til Vladimir Pútín, forseta Rússlands. „Við erum Rússar og við skömmumst okkar,“ stóð til að mynda á einu skilti. „Pútín er með kjarnavopn!“ stóð á öðru skilti. „Segjum nei við Pútín,“ stóð svo á enn öðru skilti.
Ljósmyndarinn Sigtryggur Ari mætti á mótmælin og náði myndum af þeim sem sjá má hér fyrir neðan:
