Landsréttur staðfesti í dag þriggja ára fangelsisdóm yfir Reebar Abdi Mohammed, 34 ára manni frá Kúrdistan, sem sakfelldur var fyrir nauðgun inni á kvennaklósetti skemmtistaðar í miðborg Reykjavíkur í febrúar árið 2019, eða fyrir þremur árum.
Dómur héraðsdóms yfir Reebar féll fyrir ári síðan og vakti mikla athygli, ekki síst vegna þess að hann hafði verið virkur í starfi pírata, en framtak hans snerist aðallega um sjálfboðaliðastörf varðandi fundahöld.
Reebar er sagður hafa leitt konuna inn á kvennasalerni staðarins og nauðgað henni þar, en konunni tókst ekki að verja sig þar vegna aflsmunar og áfengisáhrifa. Þegar hún reyndi að fá Reebar til að láta af ofbeldinu reif hann í hár hennar.
Sem fyrr segir staðfesti Landsdómur niðurstöðu héraðsdóms fyrir utan að hann lækkaði miskabætur Reebar til konunnar úr þremur milljónum króna niður í tvær milljónir.
Dóma Landsréttar og héraðsdóms í málinu má lesa hér
