Ása Björg Tryggvadóttir tók við starfi framkvæmdastjóra brandr í byrjun janúar. Í tilkynningu frá fyrirtækinu kemur fram að Ása Björg hafi  áður starfað  sem markaðsstjóri Bestseller ásamt því að sitja í framkvæmdastjórnfyrirtækisins.

Samhliða störfum sínum hjá Bestseller gengdi hún einnig starfi markaðsstjóra Nespresso þegar fyrirtækið hóf starfsemi hér á landi árið 2017. Þar áður var Ása markaðsráðgjafi hjá auglýsingastofunni Hvíta húsinu og kom að verkefnum fyrir fjölmörg íslensk fyrirtæki. Ása hóf ferilinn í markaðsdeild Heklu þar sem hún vann fyrir Volkswagen, Audi og Benz.

Ása lærði viðskiptafræði í Háskólanum í Reykjavík og hefur alla tíð haft mikinn áhuga á markaðsmálum og heilbrigði vörumerkja.

„Ég hlakka mikið til að vinna með flottum hópi sérfræðinga hjá brandr sem eru á frábærri vegferð við að styrkja stöðu markaðsmála meðfaglegri vinnu í rannsóknum og stefnumótun fyrir öflug íslensk vörumerki,“ er haft eftir Ásu Björg í tilkynningunni.

Friðik Larsen, eigandi brandr segir „Við erum afar ánægð með að Ása er gengin í okkar raðir því hún hefur bæði mikla reynslu markaðsmálum og ráðgjöf og ennfremur býr hún yfir reynslu í rekstri.  Hún mun stýra starfsemi félagsins á Íslandi og hjálpa okkar viðskiptavinum að auka virði sinna vörumerkja. Með komu hennar mun ég einbeita mér meira að skrifstofum brandr í Berlín og Osló en við munum opna á síðarnefnda staðnum á næstu vikum.“

brandr vinnur með íslenskum fyrirtækjum í markaðsmálum og vörumerkjastjórnun og er ráðgefandi við að skilgreina tækifæri og ógnanir sem liggja á markaði, ásamt því að takast á við þær áskoranir sem fylgja breytingum á ásýnd og stefnu. brandr framkvæmir úttektir á vörumerkjum í þessu skyni, ásamt því að veita margvísleg gagnagreiningu. Þá veitir fyrirtækið einnig bestu íslensku vörumerkjunum viðurkenningar ár hvert. Viðurkenningar hátíð verður 10. febrúar næstkomandi. Lesa má meira um viðurkenningarnar og ferlið hér.