Daníel Gunnarsson, sem er grunaður um að hafa framið hrottalegt morð í borginni Ridgecrest í Kaliforníu-fylki Bandaríkjanna, er ekki í standi til að koma fram fyrir dóm. Frá þessu greinir staðarmiðillinn Kget.net.
DV greindi fyrst íslenskra miðla frá máli Daníels. Í maí á þessu ári fann lögreglan í Ridgecrest illa farið lík hinnar 21 árs gömlu Katie Pham. Daníel var handtekinn vegna málsins, en hann var á vettvangi með blóð á höndum og hálsi auk þess sem blóð fannst á buxum hans.
Áverkar á líki Pham voru miklir en meðal annars var hún með mörg stungusár á líkama og aftan á höfði. Þá leikur grunur að lík Pham hafi verið limlest eftir dauða hennar.
Daníel Gunnarsson fæddist árið 2000. Hann hefur búsettur vestanhafs undanfarin ár. Þangað flutti hann frá Íslandi ásamt móður sinni sem var af tékknesku bergi brotinn en faðir hans er íslenskur.
Það var í dag, miðvikudag, sem dómari í Ridgecrest úrskurðaði að Daníel væri í standi. Hann mun þurfa að dvelja á spítala, eða annarri heilbrigðisstofnun, þar mun hann fara í meðferð hjá fagaðila. Í næsta mánuði verður ákveðið hvaða heilbrigðisstofnun og úrræði muni henta honum best áður en hann kemur fram fyrir dómi.
Dómarinn notaðist við skjöl frá sálfræðingi Daníels sem hafði það að markmiði að kanna hvort að skjólstæðingur sinn hefði skilning á dómsmálinu gegn sér. Einn verjandi Daníels tjáði sig um ástand hans og sagði að hann væri í raun „ekki móttækilegur fyrir neinu,“
