fbpx
Föstudagur 04.apríl 2025
Fréttir

Illa staðið að málefnum eldri borgara að mati mikils meirihluta

Kristján Kristjánsson
Fimmtudaginn 8. júlí 2021 09:00

Myndin tengist fréttinni ekki beint.

Ekki missa af Helstu tíðindum dagsins í pósthólfið þitt

Lesa nánar

Þegar kemur að hjúkrunarheimilum telja 81,5% aðspurðra að frekar eða mjög illa sé staðið að málefnum eldri borgara hér á landi. Einungis 0,7% telja að mjög vel sé staðið að málefnum eldri borgara hvað varðar hjúkrunarheimili og 6,4% telja vel staðið að þeim.

Þetta kemur fram í nýrri könnun sem Prósent  gerði fyrir Fréttablaðið. 2.500 manns, 18 ára og eldri, voru í úrtaki rannsóknarinnar og var svarhlutfallið 60%.

Fleiri konur en karlar telja frekar eða mjög illa staðið að málefnum eldri borgara á hjúkrunarheimilum en 85% kvenna eru þeirrar skoðunar en 77% karla eru sömu skoðunar.

Ef litið er til aldurs telja 10% svarenda á aldrinum 18 til 24 ára að mjög eða frekar vel sé staðið að málefnum eldri borgara hvað varðar hjúkrunarheimili en 18% þátttakenda í þessum aldurshópi tóku ekki afstöðu til málefnisins. Í aldurshópunum 35 til 44 ára og 45 til 54 ára telja 6% að frekar eða vel sé staðið að þessum málum.

Fréttablaðið hefur eftir Helga Péturssyni, formanni Landssambands eldri borgara, að niðurstöðurnar komi honum ekki á óvart. „Það er bara verið að gefa frat í þetta kerfi. Það er eins og stjórnmálafólkið og krakkarnir sem eru að fara með peningana hérna fatti þetta ekki,“ sagði hann og vísaði til stöðu hjúkrunarheimilanna og sagði að hún væri vandamál sem hafi blasað við lengi, allir hafi bent á þetta vandamál og ótrúlegt sé að enginn ætli að taka á málinu.

Hann sagði að brúa þurfi bilið á milli þess sem fólk býr heima hjá sér og á hjúkrunarheimili. Búseta á eigin heimili henti ekki öllum en þeir sömu þurfi ekki endilega að búa á hjúkrunarheimili. „Búsetuúrræði fyrir eldra fólk eru ekki nógu fjölbreytt,“ sagði hann.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 15 klukkutímum

Leggjast gegn dýrafrumvarpi Ingu Sæland – Ofnæmisvakar geti borist á milli íbúða

Leggjast gegn dýrafrumvarpi Ingu Sæland – Ofnæmisvakar geti borist á milli íbúða
Fréttir
Fyrir 16 klukkutímum

Heiðar um tolla Trumps – „Þetta er afskaplega skammsýnt“

Heiðar um tolla Trumps – „Þetta er afskaplega skammsýnt“
Fréttir
Í gær

Margrét segir að sér gefist kostur á að afgreiða meiðyrðamál Barböru gegn sér með afsökunarbeiðni og spyr FB-vini sína ráða

Margrét segir að sér gefist kostur á að afgreiða meiðyrðamál Barböru gegn sér með afsökunarbeiðni og spyr FB-vini sína ráða
Fréttir
Í gær

Reykjavík þarf að borga konu sem rekin var úr starfi eina milljón króna í bætur

Reykjavík þarf að borga konu sem rekin var úr starfi eina milljón króna í bætur
Fréttir
Í gær

Leigubílaharkari kúgaði fé út úr fjölskyldu – „Daginn eftir var bankað upp á hjá honum og þar voru tveir menn að rukka“

Leigubílaharkari kúgaði fé út úr fjölskyldu – „Daginn eftir var bankað upp á hjá honum og þar voru tveir menn að rukka“
Fréttir
Í gær

Mótmæla frumvarpi um rekstur líkhúsa – Sé ekkert annað en skattlagning á dánarbú

Mótmæla frumvarpi um rekstur líkhúsa – Sé ekkert annað en skattlagning á dánarbú