fbpx
Mánudagur 17.mars 2025
Fréttir

Svikahrappar höfðu 100 milljónir af Íslendingi

Kristján Kristjánsson
Föstudaginn 21. maí 2021 08:00

Ekki missa af Helstu tíðindum dagsins í pósthólfið þitt

Lesa nánar

Á síðustu árum hefur netsvindl af ýmsu tagi færst í aukana og hafa Íslendingar ekki farið varhluta af því frekar en aðrir. Íslendingur tapaði tæpum hundrað milljónum í samskiptum sínum við svikahrappa.

Fréttablaðið skýrir frá þessu í dag og hefur eftir Daða Gunnarssyni, lögreglufulltrúa hjá lögreglunni á höfuðborgarsvæðinu, en hann annast rannsóknir á netbrotum. „Þetta eru stórar upphæðir. Einstaklingar hafa verið að tapa allt frá 250 evrum, sem eru lægstu upphæðir sem maður hefur heyrt, og svo allt að hundrað milljónum króna,“ sagði hann.

Hann sagði að lögreglan væri að rannsaka mál þar sem einstaklingur hafi tapað 97 milljónum í samskiptum við svikahrappa á netinu. Haft er eftir Daða að svindlið sé ekki einskorðað við eldra fólk þó það sé líklegra en aðrir til að tapa háum fjárhæðum. „Það er allur gangur á þessu. Við erum til dæmis að sjá yngra fólk falla fyrir Bitcoin-svindli. Þú kaupir Bitcoin í gegnum löglegan aðila og lætur síðan þriðja aðila fá rafmyntina í von um skjótan gróða. Það sem við höfum bent á er þessi skjóti gróði. Ef það hljómar of gott til að vera satt er það oftast þannig,“ sagði hann.

Hann sagði að einnig hafi færst í vöxt að fjárfestingasvindli sé beint að fólki. Í því felst að í auglýsingum sé vísað til frægra íslenskra fjárfesta eins og Jóns Ásgeirs eða Björgólfs Thors og fólki boðið að græða „milljarða eins og þeir“. Fólk fjárfestir í þessu og getur fylgst með meintum gróða sínum en þegar kemur að því að fá peningana aftur loka svikahrapparnir á það að sögn Daða.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 dögum

Slasaðist í sprengingu í álverinu á Grundartanga

Slasaðist í sprengingu í álverinu á Grundartanga
Fréttir
Fyrir 2 dögum

Ósögð saga af lokun íslenska sendiráðsins í Moskvu – Rússar hafi áreitt og brotist inn hjá starfsfólki

Ósögð saga af lokun íslenska sendiráðsins í Moskvu – Rússar hafi áreitt og brotist inn hjá starfsfólki
Fréttir
Fyrir 2 dögum

Jón Bjarki hraunar yfir Höskuld – „Megi þessi maður hafa ævarandi skömm fyrir sína framkomu“

Jón Bjarki hraunar yfir Höskuld – „Megi þessi maður hafa ævarandi skömm fyrir sína framkomu“
Fréttir
Fyrir 2 dögum

Um tíu milljónir söfnuðust fyrir íbúa Gaza

Um tíu milljónir söfnuðust fyrir íbúa Gaza