fbpx
Fimmtudagur 13.mars 2025
Fréttir

Hallgrímur varð fyrir kynferðisofbeldi og sakar Eirík um að hafa smánað sig – „Þarna upplifði ég það sem margir brotaþolar lenda í“

Ágúst Borgþór Sverrisson
Miðvikudaginn 12. maí 2021 13:07

Frá vinstri: Eiríkur Guðmundsson, Hallgrímur Helgason og Guðbergur Bergsson.

Ekki missa af Helstu tíðindum dagsins í pósthólfið þitt

Lesa nánar

Óvæntar vendingar urðu í Metoo-umræðunni í dag er hinn landsþekkti rithöfundur, Hallgrímur Helgason, steig fram og sakaði útvarpsmanninn Eirík Guðmundsson um að hafa smánað sig eftir að Hallgrímur steig fram og lýsti nauðgun gegn sér.

Hallgrímur varð fyrir kynferðisofbeldi í Þýskalandi á unga aldri og greindi frá því í bók sinni, „Sjóveikur í München“, sem kom út fyrir nokkrum árum. Rithöfundurinn Guðbergur Bergsson hæddist að játningum Hallgríms í illkvittnislegum pistli. Eiríkur gerði sér lítið fyrir og las pistilinn upp á Rás 1 með tilþrifum. Þetta sárnar Hallgrími.

Eiríkur lagði orð í belg í Metoo-umræðunni  í gær og sagði:

„Þær fáu stelpur sem ég hef verið með í lífinu, öllum nauðgað, eða þær smánaðar með yfirgengilegum hætti. Þær sögðu mér frá því yfirleitt seint og um síðir. Höfðu ekkert gert. Ég gerði ekkert. Fjandinn hirði mig fyrir það. Nú held ég verði nýjir tímar, ég mun að minnsta kosti leggja mitt að mörkum til að svo megi verða.“

Þetta verður Hallgrími tilefni til að rifja upp þetta óþægilega mál er Guðbergur og Eiríkur gerðu lítið úr reynslu hans af ofbeldi. Þar segist hann ekki hafa ætlað að blanda sér í Metoo-umræðuna því honum finnst að stúlkur og konur eigi að eiga sviðið. En hann gat ekki orða bundist eftir skrif Eiríks. Síðan rifjar hann upp málið:

Fyrir sex árum síðan kom út skáldsaga eftir mig þar sem ég sagði frá nauðgun sem ég mátti þola sem ungur maður. Átrúnaðargoð Eiríks, rithöfundurinn Guðbergur Bergsson, brást við með blaðagrein þar sem hann gerði stólpagrín að þessu, já, grín að nauðgun, sakaði mig um að hafa skáldað þetta upp í þeirri von að selja fleiri bækur og klykkti út með: “Hvaða kynvillingur hafði svona slæman smekk?” Þetta voru sannarlega furðuleg skrif en snertu mig þó ekki svo, Guðbergur hafði áður afsakað nauðgara og gert grín að stelpum sem urðu fyrir barðinu á þeim, hann var því bara klikkhausinn í þessari umræðu og skrif hans í raun beint út úr kjallara kommentakerfanna.

Að öðru leyti upplifði ég bara stuðning og pepp í samfélaginu.

Þegar hinsvegar viku síðar ég var á heimleið í bílnum og kveikti á Víðsjá hóf Eiríkur Guðmundsson þáttinn á því að lesa allan pistil Guðbergs, átrúnaðargoðs síns, og smjattaði á orðum hans líkt og hann hefði gaman af. Ég átti erfitt með að trúa því sem var að gerast. Stjórnandi helsta menningarþáttar Ríkisútvarpsins var að grínast með nauðgunina sem ég lenti í!

Þetta var áfall, þarna upplifði ég það sem margir brotaþolar lenda í, “secondary victimisation” heitir það á fræðimáli, þegar þolendur segja frá og verða fyrir aðkasti og spotti samfélagsins, (algengt á landsbyggðinni þegar stelpurnar segja frá og upplifa það í kjölfarið að þær séu hinn seki). Mér leið eins og nauðgunin hefði verið endurtekin og brotnaði saman, var þungur í margar vikur og endaði í tíma hjá Stígamótum, skref sem ég hefði reyndar átt að taka löngu fyrr, skref sem gerði mér mjög gott.“

Hallgrímur greinir síðan frá tilraunum þeirra Eiríks til að gera upp þetta mál ári síðar en lítið kom út úr því.

Pistil hans í heild má lesa með því að smell á tengilinn hér fyrir neðan.

 

https://www.facebook.com/hallgrimur.helgason.9/posts/10159035924064178

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 11 klukkutímum

Geðvernd og SÍBS áfram í pattstöðu út af Reykjalundi – Rúmlega hálfrar aldar gamall samningur ódrepandi enn þann dag í dag

Geðvernd og SÍBS áfram í pattstöðu út af Reykjalundi – Rúmlega hálfrar aldar gamall samningur ódrepandi enn þann dag í dag
Fréttir
Fyrir 13 klukkutímum

Sýður upp úr hjá Sósíalistum: Segist hafa upplifað útskúfun fyrir að segja sannleikann „um ofríki, andlegt ofbeldi og trúnaðarbrot Gunnars Smára“

Sýður upp úr hjá Sósíalistum: Segist hafa upplifað útskúfun fyrir að segja sannleikann „um ofríki, andlegt ofbeldi og trúnaðarbrot Gunnars Smára“
Fréttir
Fyrir 13 klukkutímum

Manndrápsmálið: Gæsluvarðhalds krafist – Búið að leiða einn fyrir dómara

Manndrápsmálið: Gæsluvarðhalds krafist – Búið að leiða einn fyrir dómara
Fréttir
Fyrir 19 klukkutímum

Manndrápsmálið: Þrír lausir úr haldi lögreglu

Manndrápsmálið: Þrír lausir úr haldi lögreglu
Fréttir
Fyrir 19 klukkutímum

Íslendingar steinhissa á Trump: „Þetta á eftir að enda með einhverjum ferlegum ósköpum“

Íslendingar steinhissa á Trump: „Þetta á eftir að enda með einhverjum ferlegum ósköpum“
Fréttir
Í gær

Jóhanna og Steinunn misstu syni sína unga – Hvernig er hægt að lifa með brostið hjarta?

Jóhanna og Steinunn misstu syni sína unga – Hvernig er hægt að lifa með brostið hjarta?
Fréttir
Í gær

Manndrápsmálið: Sjötti handtekinn eftir eftirför – Konu leitað

Manndrápsmálið: Sjötti handtekinn eftir eftirför – Konu leitað
Fréttir
Í gær

Fimm aðilar í haldi lögreglu vegna andláts manns

Fimm aðilar í haldi lögreglu vegna andláts manns
Fréttir
Í gær

Nauðsynlegt að koma á eðlilegri samskiptum við Rússland þó að samskiptin verði ekki góð lengi

Nauðsynlegt að koma á eðlilegri samskiptum við Rússland þó að samskiptin verði ekki góð lengi