Í nýbirtum Metsölulista Eymundsson er það barnabókin Fagurt galaði fuglinn eftir Helga Jónsson og Önnu Margréti Marinósdóttur sem er í toppsætinu. Bókin slær þar með metsöluhöfunum Yrsu Sigurðardóttur og Arnaldi Indriðasyni við. Bók Yrsu, Lok, lok og læs situr í öðru sæti og Sigurverkið eftir Arnald í því þriðja.

Fagurt galaði fuglinn hefur slegið rækilega í gegn í jólabókaflóðinu. Um er að ræða afar fallega og vandaða bók þar sem ítarlega er fjallað um fugla í náttúru Íslands auk þess sem hljóðdæmi fylgja hverjum og einum fugli.

Í samtali við Fréttablaðið á dögunum sagði Kristján Freyr Halldórsson, forleggjari hjá Sögum – útgefanda bókarinnar, að hann þrátt fyrir tveggja áratuga reynslu bransanum hafi hann aldrei orðið vitni að annarri eins eftirspurn.

Metsölulisti Eymundsson:

1. Fagur galaði fuglinn – Helgi Jónsson og Anna Margrét Marinósdóttir
2. Lok, lok og læs – Yrsa Sigurðardóttir
3. Sigurverkið – Arnaldur Indriðason
4. Sextíu kíló af kjaftshöggum – Hallgrímur Helgason
5. Úti – Ragnar Jónasson
6. Merking – Fríða Ísberg
7. Laugavegur – Anna Dröfn Ágústdóttir og Guðni Valberg
8. Læknirinn í Englaverksmiðjunni – Ásdís Halla Bragadóttir
9. Allir fuglar fljúga í ljósið – Auður Jónsdóttir
10. Rætur – á æskuslóð minningar og mótunar – Ólafur Ragnar Grímsson

Lok, lok og læs eftur Yrsu er í öðru sæti og Sigurverkið eftir Arnald Indriðason er í þriðja sæti.