fbpx
Föstudagur 04.apríl 2025
Fréttir

Magnus Carlsen ýjar að því að nýafstaðið heimsmeistaraeinvígi hafi verið hans síðasta

Björn Þorfinnsson
Þriðjudaginn 14. desember 2021 14:20

Magnus Carlsen Mynd/FIDE

Ekki missa af Helstu tíðindum dagsins í pósthólfið þitt

Lesa nánar

Nýkrýndur heimsmeistari í skák í fimmta sinn, Norðmaðurinn Magnus Carlsen, hefur gefið í skyn að hann hyggist ekki verja heimsmeistaratitil sinn.  Í norsku hlaðvarpi í vikunni lét hann þau orð falla að aðeins tiltekinn andstæðingur gæti veitt honum þann innblástur að tefla annað einvígi um heimsmeistaratitilinn.

„Ef einhver annar er Firouzja vinnur næsta áskorendamót [og tryggir sér þar með réttinn til að skora á Carlsen] þá er ólíklegt að ég tefli næsta heimsmeistaraeinvígi,“ sagði Carlsen í hlaðvarpinu sem var á vegum Unibet, eins aðalstyrktaraðila hans, en viðmælandi var góðvinur hans Magnus Barstad.

Þar á Norðmaðurinn við íranska undrabarnið Alireza Firouzja sem hefur farið með himinskautum á skákborðinu undanfarna mánuði og er er í dag orðinn næststigahæsti skákmaður heims á eftir Carlsen. Firouzja er aðeins 18 ára gamall og eru flestir á því að hann verði arftaki Carlsen sem heimsmeistari. Saga hans er áhugaverð en nýlega flúði hann Íran ásamt fjölskyldu sinni og teflir núna undir fána Frakklands.

 

Hér geta áhugamenn um norska tungu hlýtt á hlaðvarpið

Carlsen hefur áður minnst á það að hann hafi átt erfitt með að mótívera sig fyrir heimsmeistaraeinvígið gegn Ian Nepomniachtchi og að gleðin við að vinna sannfærandi sigur hafi ekki verið sú sem hann gerði ráð fyrir.

„Mér hefur verið það ljóst allt árið að þetta einvígi ætti að vera mitt síðasta. Þetta skiptir mig ekki jafnmiklu máli og áður. Ég upplifi ekki að jákvæðu hlutirnir við einvígið slái út þá neikvæðu,“ sagði Carlsen sem er þó aðeins 31 árs gamall.

Það er sumsé þessi tilfinning Magnúsar að hann hafi ekkert að sanna sem að slekkur neistann hjá honum. Tilhugsunin um að margir telji að íranska undrabarnið verði betri en hann kveikir þó eitthvað bál innra með honum. „Ég verð að viðurkenna að mér hefur þótt mikið til frammistöðu hans koma undanfarið og það hefur gefið mér hvatningu,“ segir Carlsen.

 

Undradrengurinn Alireza Firouzja

En skákáhugamenn þurfa ekki að óttast að Carlsen ætli að leggja taflmennina á hilluna alveg strax. „Ég mun halda áfram að tefla, það veitir mér mikla gleði,“ segir Carlsen. Framundan er heimsmeistaramótið í hrað- og atskák í Varsjá milli jóla- og nýárs og segir Carlsen að hann sé afar spenntur fyrir þeirri keppni. Þá hafi hann sett sér það háleita markmið að verða fyrsti maðurinn til að ná að rjúfa 2900 stiga múrinn í FIDE-skákstigum.

„Ég hef aldrei viljað setja mér það markmið því ég hef hreinlega talið það of erfitt. Núna er ég kominn upp í 2865 stig og því finnst mér það rökrétt að setja stefnuna á það. Það virðist ekki ómögulegt en ég þarf að vera í toppformi í hverri einustu skák til þess að eiga mögulega,“ segir Carlsen. (Rétt er að geta þess að þar sem Carlsen er stigahæsti skákmaður heims þá tapar hann stigum fyrir hvert jafntefli eða tap gegn öðrum skákmönnum.)

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 15 klukkutímum

Leggjast gegn dýrafrumvarpi Ingu Sæland – Ofnæmisvakar geti borist á milli íbúða

Leggjast gegn dýrafrumvarpi Ingu Sæland – Ofnæmisvakar geti borist á milli íbúða
Fréttir
Fyrir 16 klukkutímum

Heiðar um tolla Trumps – „Þetta er afskaplega skammsýnt“

Heiðar um tolla Trumps – „Þetta er afskaplega skammsýnt“
Fréttir
Í gær

Margrét segir að sér gefist kostur á að afgreiða meiðyrðamál Barböru gegn sér með afsökunarbeiðni og spyr FB-vini sína ráða

Margrét segir að sér gefist kostur á að afgreiða meiðyrðamál Barböru gegn sér með afsökunarbeiðni og spyr FB-vini sína ráða
Fréttir
Í gær

Reykjavík þarf að borga konu sem rekin var úr starfi eina milljón króna í bætur

Reykjavík þarf að borga konu sem rekin var úr starfi eina milljón króna í bætur
Fréttir
Í gær

Leigubílaharkari kúgaði fé út úr fjölskyldu – „Daginn eftir var bankað upp á hjá honum og þar voru tveir menn að rukka“

Leigubílaharkari kúgaði fé út úr fjölskyldu – „Daginn eftir var bankað upp á hjá honum og þar voru tveir menn að rukka“
Fréttir
Í gær

Mótmæla frumvarpi um rekstur líkhúsa – Sé ekkert annað en skattlagning á dánarbú

Mótmæla frumvarpi um rekstur líkhúsa – Sé ekkert annað en skattlagning á dánarbú