Óveðrið sem gengur yfir stóran hluta landsins í dag, meðal annars höfuðborgarsvæðið, veldur víða usla og skemmdum. Björgunarsveitir hafa farið í mörg útköll í dag, sérstaklega frá því veður tók að herða í hádeginu. Er fólk hvatt til að vera ekki á ferðinni að óþörfu.
Meðfylgjandi myndir, sem lesandi DV sendi, sýna fok á plexiglerplötum við Köllunarklettsveg. Ekki er gott að fá slíka fljúgandi hluti í sig og er það áminning um að allir fari varlega.
