Garðabær fékk ítrekað kvartanir um hjónin Einar og Beverly Gíslaon vegna framkomu sinnar við barn sem var í vistun hjá þeim á leikskóla sem þau ráku í Garðabæ. Kvartanir og ábendingar vvoru lagðar fram á árunum 2006 og 2007 en höfðu engin áhrif á stöðu hjónanna.

Þetta kom fram á Stöð 2 í kvöld og Vísir.is greinir einnig frá.

Hjón tóku barn sitt úr leikskólanum vegna grunsamlegrar hegðunar hjónanna en barnið sýndu mikinn ótta gagnvat Beverly og stífnaði upp þegar hún kom nálægt því. Foreldrarnir sóttu barnið nokkrum sinnum þar sem það lá sofandi með Einari. Þau tóku barnið án þess að Einar yrði var við það.

Mikið hefur verið fjallað um ásakanir á hendur hjónunum um hræðilega meðferð á börnum á barnaheimili sem þau ráku í Richard-húsi á Hjalteyri á árunum 1972 til 1979. Á Stöð 2 í kvöld greindi Ragnar Gunnarsson frá skelfilegum pyntingum sem hann mátti þola af hendi hjónanna á Hjalteyri er hann dvaldist þar sem barn. Var ofbeldi Beverly skefjalausara gegn honum, að hans sögn, og beitti hún hann mikilli grimmd. Má þar nefna barsmíðar með belti, hendur brenndar með heitu vatni og líkami hans skrúbbaður harkalega með bursta svo hann sveið undan. Ennfremur var hann læstur inni í dimmri kompu og fékk ekki að fara á salerni. Andlegt ofbeldi var mikið og drengurinn var brotinn niður með því að segja að hann væri barn djöfulsins, hann væri einskis virði og öllum væri sama um hann.

Ragnar sendi yfirvöldum í Garðabæ bréf árið 2005 og varaði við hjónunum. Hjónin störfuðu við ummönnun barna í Garðabæ í 17 ár, alveg fram til ársins 2015. Þau eru bæði látin í dag.