Metfjöldi smita COVID-19 greindist í gær, eða alls 168 einstaklingar. Þetta kemur fram í uppfærðum tölum á covid.is en enn á eftir að birta tölur um hversu mikið af nýjum smitum greindist utan sóttkvíar.
Alls eru í dag 1.260 í einangrun og 2.216 í sóttkví.
Staðan á innlögnum á sjúkrahúsum og gjörgæslu er óbreytt frá í gær – 18 dvelja á sjúkrahúsi og 5 á gjörgæslu. Uppsafnaður fjöldi innlagna á sjúkrahús er nú 505 og 90 á gjörgæslu.
