DV - Frjáls og óháður miðill

Tarot Spil á DV

Smelltu hér til að sjá spádóm þinn í dag

Sunnudagur 23.febrúar 2025

Fréttir

Margrét fór ekki í skimun við heimkomu og fékk 100 þúsund króna sekt – UPPFÆRT

Ritstjórn DV
Fimmtudaginn 7. október 2021 10:00

Margrét fór ekki í skimun við heimkomu og fékk 100 þúsund króna sekt – UPPFÆRT

Margrét Friðriksdóttir

Athafnakonan og aðgerðarsinninn Margrét Friðriksdóttir var á dögunum sektuð um 100 þúsund krónur fyrir að fara ekki í skimun við heimferð frá Tenerife. Þar hafði hún notið sér í fríi með dóttur sinni. Að mati Margrétar er sektin ólögleg og telur hún hana brjóta gegn stjórnarskránni.

Í viðtali við Lífið á Fréttablaðinu segir Margrét að óbólusettir séu ekki að láta neitt stoppa sig í ferðalögunum. Þá hafi hún heyrt af því að óbólusettir ferðamenn án skimunarvottorða hafi verið sendir aftur heim við komuna til Íslands. „Þetta er allavega stjórnarskrárbrot,“ segir hún. „Það er náttúrulega verið að mismuna fólki út frá einhverri bólusetningu sem stenst nú ekki einu sinni væntingar.“

Aðspurð hvort óbólusettir láti ekki slíkar kvaðir stöðva sig segir Margrét það af og frá. „Nei, þetta er nefnilega ekki hrædda fólkið. Hrædda fólkið eru þessir bólusettu og jafnvel þessir sem eru búnir að fara í þriðja skammtinn, og jafnvel fjórða og fimmta og ganga um með grímur og svo framvegis. Það er hrædda fólkið.“

Ljóst sé að sífellt fleiri sæki í stuttar utanlandsferðir þrátt fyrir að sóttvarnayfirvöld hafi mælt gegn því að fólk ferðist til útlanda. „Það þýðir heldur ekki að lifa í ótta. Það veikir ónæmiskerfið að lifa í ótta og fólk ætti að huga að því líka.“

UPPFÆRT:

Margrét Friðrikdsdóttir hefur haft samband við DV og bent á að henni hafi ekki tekist að komast í PCR-próf fyrir heimkomuna til Íslands. Bendir hún á frétta vef sínum, frettin.is, til skýringar en þar segir:

„Mæðgum sem fóru til Spánar í sumar tókst ekki að komast í PCR-próf fyrir heimkomuna til Íslands. Ekki var hægt að panta prófið á netinu og enginn laus tími var á sjúkrahúsi þar sem mögulegt var að fara í þannig próf. Mæðgurnar tóku samskiptin við starfsfólk spítalans upp á myndband til að geta sýnt fram á að þær hafi reynt að komast í prófið. Þær sýndu lögreglunni á Leifsstöð upptökuna sem yfirheyrði þær báðar þar sem þær gátu ekki framvísað PCR-prófi.

Mæðgurnar fóru í sýnatökuna í Keflavík og aftur fimm dögum síðar eftir fimm daga sóttkví. Bæði prófin reyndust neikvæð. Flugfélagið gerði kröfu um framvísun prófana en mæðgurnar höfðu samband við utanríkisráðuneytið sem sendi þeim staðfestingu á að ekki mætti snúa Íslendingum frá landinu, þrátt fyrir að vera ekki með próf. Flugfélagið tók þær upplýsingar góðar og gildar.

Nokkrum vikum síðar berst mæðgunum sitthvor kæran þar sem segir að þær hafi gerst brotlegar á sérrefsilögum og að brotið sé Sýnataka við landamæri Íslands PCR-próf vantar eða er ófullnægjandi (4.gr. 1. mgr.)“

Facebook

Twitter

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.