fbpx
Föstudagur 04.apríl 2025
Fréttir

María fagnar dómi yfir Heiðari Má fyrir hótanir í hennar garð – Bíður niðurstöðu MDE

Kristján Kristjánsson
Miðvikudaginn 22. september 2021 07:59

Landsréttur. Mynd: Ernir

Ekki missa af Helstu tíðindum dagsins í pósthólfið þitt

Lesa nánar

María Sjafnar Árnadóttir fagnar dómi Landsréttar í máli hennar gegn Heiðari Má Sigurlaugssyni, fyrrum sambýlismanni hennar, en dómur var kveðinn upp á föstudaginn. Heiðar Már var dæmdur í 45 daga skilorðsbundið fangelsi og til að greiða Maríu 300.000 krónur í miskabætur. Hann þarf einnig að greiða 300.000 krónur í málskostnað og allan áfrýjunarkostnað málsins sem er rúmlega 850.000 krónur. Hann var sakfelldur fyrir hótanir í garð Maríu.

Fréttablaðið skýrir frá þessu. Haft er eftir Maríu að það sé mjög góð tilfinning að hafa unnið málið. Nú hafi hluti réttlætisins náð fram að ganga en tvö fyrri brot, sem hún kærði Heiðar fyrir, fyrndust á meðan rannsókn lögreglunnar stóð yfir. „Þetta er náttúrlega bara fyrst og fremst léttir og viðurkenning á að það hafi verið brotið gegn mér, þannig að það er gríðarlega mikil ró að vera búin að klára þetta eftir fjögurra ára baráttu. Maður hefur þessa tilfinningu að ég náði réttlætinu að hluta til. Ég náði því náttúrlega ekki að öllu leyti, en það er rosalegur léttir eftir fjögurra ára streð,“ sagði María.

Að sögn Maríu hótaði Heiðar Már að senda nektarmyndir af henni til vinnuveitenda hennar. Í dómi Landsréttar er litið til þess að brot Heiðars Más beindust gegn fyrrverandi sambýliskonu hans. Við mat á upphæð miskabóta var horft til þess að brotin földu í sér brot gegn friði og persónu hennar sem gátu verið til þess fallin að vekja hjá henni ótta um velferð sína.

María er meðal níu kvenna sem hafa kært íslenska ríkið til Mannréttindadómstóls Evrópu fyrir að hafa brotið á rétti þeirra til réttlátrar málsmeðferðar. María kærði til lögreglu  í desember 2017 þrjú ofbeldisbrot sem hún kveðst hafa orðið fyrir af hendi Heiðars Más. Um tvær meintar líkamsárásir, sem áttu sér stað í febrúar og júlí 2016, var að ræða og hótun sem barst henni í maí 2017. Hótunina setti Heiðar Már fram eftir að hann komst að því að María ætlaði að kæra ofbeldið.

Líkamsárásarbrotin fyrndust á meðan á rannsókn lögreglunnar stóð vegna þess að lögreglunni láðist að kynna sakborningi sakarefnin en það varð til þess að málið var fellt niður og fór ekki fyrir dóm. María bíður nú niðurstöðu Mannréttindadómstólsins en ríkið hefur fengið frest fram í október til að skila inn athugasemdum vegna málsins.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 15 klukkutímum

Leggjast gegn dýrafrumvarpi Ingu Sæland – Ofnæmisvakar geti borist á milli íbúða

Leggjast gegn dýrafrumvarpi Ingu Sæland – Ofnæmisvakar geti borist á milli íbúða
Fréttir
Fyrir 16 klukkutímum

Heiðar um tolla Trumps – „Þetta er afskaplega skammsýnt“

Heiðar um tolla Trumps – „Þetta er afskaplega skammsýnt“
Fréttir
Í gær

Margrét segir að sér gefist kostur á að afgreiða meiðyrðamál Barböru gegn sér með afsökunarbeiðni og spyr FB-vini sína ráða

Margrét segir að sér gefist kostur á að afgreiða meiðyrðamál Barböru gegn sér með afsökunarbeiðni og spyr FB-vini sína ráða
Fréttir
Í gær

Reykjavík þarf að borga konu sem rekin var úr starfi eina milljón króna í bætur

Reykjavík þarf að borga konu sem rekin var úr starfi eina milljón króna í bætur
Fréttir
Í gær

Leigubílaharkari kúgaði fé út úr fjölskyldu – „Daginn eftir var bankað upp á hjá honum og þar voru tveir menn að rukka“

Leigubílaharkari kúgaði fé út úr fjölskyldu – „Daginn eftir var bankað upp á hjá honum og þar voru tveir menn að rukka“
Fréttir
Í gær

Mótmæla frumvarpi um rekstur líkhúsa – Sé ekkert annað en skattlagning á dánarbú

Mótmæla frumvarpi um rekstur líkhúsa – Sé ekkert annað en skattlagning á dánarbú