Líkt og Félag íslenskra flugumferðarstjóra greindi frá seint í gærkvöldi slitnaði upp úr samningaviðræðum þeirra við Isavia upp úr miðnætti í gær og samkomulag ekki náðst á sáttafundum sem haldnir voru í dag. Í samræmi við atkvæðagreiðslu félagsmanna Félags íslenskra flugumferðarstjóra frá því fyrr í mánuðinum hefur því verið boðað til verkfalls þann 31. ágúst næstkomandi á milli 05:00 og 10:00.
Undanþága verður gerð fyrir sjúkra-, neyðar- og Landhelgisgæsluflug.
Þetta þýðir að ekkert almennt farþegaflug verður um Keflavíkurflugvöll þennan morguninn og munu aðgerðirnar því líklega riðla dagskrá þeirra flugfélaga sem fljúga um flugvöllinn duglega. Svo gæti farið að erlend flugfélög sem eiga að lenda á þessu bili muni ýmist flýta, seinka eða hreinlega fella niður flugin sín. Íslensku flugfélögin, Icelandair og Play, munu ekki eiga þess kost. Á þessu tímabili eru Bandaríkjaflug Icelandair að lenda og Evrópuflugin að hefja sig til lofts og hvers kyns seinkanir á því fyrrnefnda munu hafa keðjuverkandi áhrif á dagskrá flugfélagsins út daginn og líklega næstu daga.
Verkfallið sem boðað hefur verið til í næstu viku er ekki það fyrsta á undanförnum árum og finnst mörgum flugumferðarstjórastéttin hafa háð heldur harðvítuga kjarabaráttu undanfarin ár, sérstaklega í ljósi þess að flugumferðarstjórar eru fyrir á meðal launahæstu stétta landsins.
Samkvæmt gögnum Hagstofunnar eru meðalheildarlaun launaflokks 3144, Sérfræðistörf við flugumsjón, 1.482.000 kr. á mánuði.
Í ljósi þess að nú liggja frammi álagningarskrár Skattsins og eru opnar almenningi til 31. ágúst, og þess að Tekjublað DV og Frjálsrar verslunar komu nýverið út gerðu blaðamenn DV sér ferð niður í hús Skattsins í Tollhúsinu við Tryggvagötu í launakönnun flugumferðarstjóra.
Gögnin sem hér á eftir koma eru því byggðar á uppflettingum blaðamanna DV í dag á launum stjórnarmanna í Félagi íslenskra flugumferðarstjóra auk gagna úr Tekjublaði DV og Tekjublaði Frjálsrar verslunar.
Tekið skal fram að gögnin eru unnin upp úr greiddu útsvari, og taka því ekki tillit til uppruna tekna. Þannig gætu einhverjir þegið laun annars staðar en hjá Isavia. Eins mynda til dæmis greiðslur úr séreignalífeyrissjóðum stofn til greiðslu útsvars, og reiknast þá inn í mánaðarlaun samkvæmt formúlu Tekjublaðanna.
Þá skal jafnframt tekið fram að einungis flugumferðarstjórar á Keflavíkurflugvelli hafa boðað til verkfalls.
Arnar Hjálmarsson, formaður Félags íslenskra flugumferðarstjóra
1.402.501 kr. á mánuði
Hildur Albertsdóttir, varaformaður Félags íslenskra flugumferðarstjóra
1.560.512 kr. á mánuði
Þórhallur Gísli Samúelsson, ritari stjórnar Félags íslenskra flugumferðarstjóra
1.198.057 kr. á mánuði
Víðir Leifsson, gjaldkeri Félags íslenskra flugumferðarstjóra
1.262.870 kr. á mánuði
Einar Þór Stefánsson, meðstjórnandi í Félagi íslenskra flugumferðarstjóra
1.224.777 kr. á mánuði
Davíð Heiðar Beck Hansson, varamaður í stjórn Félags íslenskra flugumferðarstjóra
1.665.453 kr. á mánuði
Gunnlaugur Guðmundsson
3.186.000 kr. á mánuði
Haraldur Ólafsson
2.762.000 kr. á mánuði
Helgi Björnsson
2.598.000 kr. á mánuði
Ottó Garðar Eiríksson
2.470.000 kr. á mánuði
Hjalti Guðmundsson
2.274.000 kr. á mánuði
Halldóra Klara Valdimarsdóttir
1.648.000 kr. á mánuði
Elín Steiney Kristmundsdóttir
1.639.000 kr. á mánuði
Sigurjón Jónasson
1.601.000 kr. á mánuði
Jón Ingi Jónsson
1.537.000 kr. á mánuði
Júlíus Freyr Valgeirsson
1.334.000 kr. á mánuði
Jón Árni Þórisson
1.293.000 kr. á mánuði
Sigurleifur Kristjánsson
1.106.000 kr. á mánuði
Kári Örn Óskarsson
1.043.000 kr. á mánuði
Loftur Jóhannesson
1.023.000 kr. á mánuði
Grétar Reynisson
980.000 kr. á mánuði
