Helgi Héðinsson hefur verið ráðinn forstöðumaður Opna háskólans í Háskólanum í Reykjavík en hann hóf störf í mánuðinum. Greint var frá ráðningunni í tilkynningu frá háskólanum.

Helgi hefur starfað sem mannauðssérfræðingur og sálfræðingur undanfarin ár hjá Líf og sál sálfræði- og ráðgjafastofu, ásamt því að veita íþróttasálfræðiráðgjöf til íþróttafólks og íþróttaliða.

Hann lauk meistaragráðu í sálfræði árið 2010 frá Háskóla Íslands með áherslu á vinnusálfræði og klíníska sálfræði fullorðinna og svo fékk hann BA gráðu í sálfræði árið 2008 frá Háskólanum á Akureyri.

Opni háskólinn í HR býður sérfræðingum og stjórnendum í íslensku atvinnulífi fjölbreytt úrval sí- og endurmenntunar og fyrirtækjum og stofnunum sérsniðnar heildarlausnum á sviði fræðslumála.