Leiðarahöfundur Morgunblaðsins í dag leggst mjög gegn sóttvarnatakmörkunum og segir þær óþarfar og skaðlegar. Staðan hafi breyst í grundvallaratriðum eftir bólusetningar. Í leiðaranum segir:

„Fyr­ir bólu­efn­in skiptu skiman­ir sköp­um til þess að viðhalda opnu sam­fé­lagi inn­an­lands og opna landið aft­ur til út­landa. Bólu­efn­in og hátt hlut­fall bólu­settra breyttu því öllu, bæði inn­an­lands og gagn­vart um­heim­in­um.

Miðað við reynslu ná­granna­landa á borð við Bret­land og Dan­mörku – þar sem bólu­setn­ing hef­ur gengið mjög vel, en ekki í neinni lík­ingu við það sem Íslend­ing­ar státa af – stand­ast víðtæk­ar, al­menn­ar tak­mark­an­ir ekki skoðun.“

Höfundur segir það hafa verið gleðiefni þegar yfirlýsingar ráðamanna um síðustu helgi bentu til þess að þeir áttuðu sig á hinni breyttu stöðu. Nú sé sá tími runninn upp er við þurfum að læra að lifa með veirunni:

„Það er full ástæða til þess að fagna því að rík­is­stjórn­in hafi áttað sig á því að fyrr eða síðar yrði þjóðin að læra að lifa með veirunni — líkt og við lif­um með ýms­um smit­sjúk­dóm­um öðrum – og að lífið yrði að halda áfram án tak­mark­ana um leið og fært væri. Flest bend­ir til þess að sá tími sé núna. Bólu­efn­in verja okk­ur að mestu leyti gegn veik­ind­um og nær al­ger­lega gegn ótíma­bær­um dauðdaga. Í krafti þeirra er okk­ur kleift að lifa með veirunni án al­tækra og íþyngj­andi sótt­varn­araðgerða.“

Það hafi hins vegar valdið miklum vonbrigðum er ríkisstjórnin ákvað að fara að tillögum sóttvarnalæknis og framlengja sóttvarnatakmarkanir óbreyttar í tvær vikur. Sóttvarnaatakmarkanir við þær aðstæður sem nú eru séu óverjandi og hafi slæmar og víðtækar afleiðingar:

„Við þess­ar aðstæður er það í engu sam­ræmi við til­efnið þegar leik­skóla­börn eru í tuga­tali send í sótt­kví vegna smits starfs­manns. Er það verj­andi að í fram­halds­skól­um séu stúd­ents­efni næsta vors að hefja þriðja náms­árið und­ir tak­mörk­un, sem óhjá­kvæm­lega mun setja var­an­legt mark á mennt­un þeirra? Er hið ómark­vissa og kostnaðarsama hindr­un­ar­hlaup farþega á leið til Íslands til ann­ars væn­legt en að fæla fólk frá ferðalög­um?“

Leiðarahöfundur segir að aðgerðir stjórnvalda gegn veirunni verði að hafa skýr og mælanleg markmið. Einnig segir:

„Stjórn­völd­um ber ávallt að gæta meðal­hófs, en nú ríður einnig á að ekki sé alið á óþörf­um ótta og að meðölin reyn­ist ekki skaðlegri en meinið.“

Þess má geta að í fréttum gærdagsins kom fram að Þórólfur Guðnason sóttvarnalæknir hugleiðir að leggja til hertari sóttvarnatakmarkanir ef skilaboð berast frá Landspítalanum um að hann anni ekki álagi vegna Covid-innlagna.