fbpx
Fimmtudagur 03.apríl 2025
Fréttir

Sýslumaður með uppboð á margverðlaunuðum hundi – „Nei, það er ekki algengt“

Máni Snær Þorláksson
Þriðjudaginn 22. júní 2021 11:30

Mynd: Samsett/Pixabay

Ekki missa af Helstu tíðindum dagsins í pósthólfið þitt

Lesa nánar

Þann 29. júní næstkomandi, á þriðjudaginn eftir viku, verður haldið nokkuð óvenjulegt uppboð vegna slita á sameign í aðstöðu Sýslumannsins á höfuðborgarsvæðinu, Hlíðasmára 1, Kópavogi.

Uppboðið er á hundi sem ber nafnið Rjúpnabrekku Blakkur en hann er af tegundinni enskur setter.  „Greiðsla við hamarshögg,“ segir í lokunum á tilkynningu um uppboðið sem birtist á vef Sýslumannsins á höfuðborgarsvæðinu í gær.

„Nei, það er ekki algengt,“ sagði starfsmaður hjá Sýslumanninum þegar blaðamaður spurði hvort það það væri daglegt brauð að hundar væru auglýstir á uppboði hjá þeim. Þá getur starfsmaðurinn ekki fullyrt um að slíkt hafi gerst áður hjá embættinu. „Ég sjálf man ekki eftir því,“ sagði starfsmaðurinn.

Margverðlaunaður hundur

Guðmundur Arnar Ragnarsson hjá Hafrafells-ræktun, sem ræktar enska setter hunda, kannaðist við umræddan hundinn þegar blaðamaður hafði samband. Guðmundur vissi þó ekki hvers vegna  hvuttinn væri orðinn að bitbeini í slitum á sameign.

Samkvæmt Guðmundi hefur er uppboðshundurinn margverðlaunaður en gríðarlegur tími og orka hefur farið í að þjálfa hann til fulls. Guðmundur segir að því sé erfitt að áætla verðmæti hundsins en enskir setter hvolpar kosta 300 þúsund krónur. „Það er búið að eyða óhemju miklu í hundinn en þetta er náttúrulega á uppboði,“ segir Guðmundur.

„Hann er fæddur 2016, fimm ára gamall og er fullþjálfaður. Þannig að það er ómögulegt að segja hvað svona hundur myndi fara á, sem er fullþjálfaður og með allan þennan árangur á bakinu. Þessi hundur hefur áorkað miklu, bæði á sýningum og á veiðiprófum, og er með langan lista af titlum í gegnum árin.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 16 klukkutímum

Svartir dagar hjá starfsfólki Kamba – Sjötíu sagt upp og fengu ekki greidd laun um mánaðamótin

Svartir dagar hjá starfsfólki Kamba – Sjötíu sagt upp og fengu ekki greidd laun um mánaðamótin
Fréttir
Fyrir 16 klukkutímum

Gufunesmálið: Þrír sitja núna í gæsluvarðhaldi

Gufunesmálið: Þrír sitja núna í gæsluvarðhaldi
Fréttir
Fyrir 18 klukkutímum

Vilja kanna jarðgangagerð í Reykjavík

Vilja kanna jarðgangagerð í Reykjavík
Fréttir
Fyrir 19 klukkutímum

Litáískur barnaníðingur kom sér undan refsingu með því að koma til Íslands – Neitar nú að fara aftur heim

Litáískur barnaníðingur kom sér undan refsingu með því að koma til Íslands – Neitar nú að fara aftur heim
Fréttir
Fyrir 23 klukkutímum

Maður lést í slysinu á Reykjanesbraut í gær

Maður lést í slysinu á Reykjanesbraut í gær
Fréttir
Fyrir 23 klukkutímum

Skutu hart á meirihlutann fyrir bókun gegn hækkun veiðigjalda – Stórútgerðin hafi rústað starfsemi í sjávarplássunum

Skutu hart á meirihlutann fyrir bókun gegn hækkun veiðigjalda – Stórútgerðin hafi rústað starfsemi í sjávarplássunum
Fréttir
Í gær

Skefur ekki utan af hlutunum – „Við getum ekki treyst Bandaríkjunum“

Skefur ekki utan af hlutunum – „Við getum ekki treyst Bandaríkjunum“
Fréttir
Í gær

Er tollastríð Trump bara byrjunin á stórri áætlun? – Mar-a-Lago-áætlunin

Er tollastríð Trump bara byrjunin á stórri áætlun? – Mar-a-Lago-áætlunin