fbpx
Fimmtudagur 03.apríl 2025
Fréttir

Hefjum störf átakið gagnrýnt – Verkferlar Vinnumálastofnunar sagðir skerða virkni þess

Kristján Kristjánsson
Þriðjudaginn 8. júní 2021 07:59

Ekki missa af Helstu tíðindum dagsins í pósthólfið þitt

Lesa nánar

Samtök atvinnulífsins, SA, og Samtök ferðaþjónustunnar, SAF, segja að verkferlum Vinnumálastofnunar sem snúa að átakinu Hefjum störf sé ábótavant og að þeir skerði virkni úrræðisins. Þetta kemur fram í minnisblaði samtakanna til fjárlaganefndar Alþingis varðandi fjáraukalög og horfur á vinnumarkaði.

Fréttablaðið skýrir frá þessu í dag. Fram kemur að í minnisblaðinu segi að atvinnurekendur hafi vakið athygli á að ráðningarferlið í átakinu sé seinvirkt. Fjölmörg fyrirtæki hafi boðið fólki í atvinnuviðtöl en það hafi reynst vera farið af atvinnuleysisskrá, meðal annars vegna þess að það hafi verið búið að ráða sig í vinnu annars staðar.

Markmiðið með átakinu er að skapa tímabundin störf í samvinnu við atvinnulífið, opinberar stofnanir, sveitarfélög og félagasamtök. Meðal annars er boðið upp á ráðningarstyrki til atvinnurekenda sem ráða fólk til starfa í gegnum átakið. „Þá hafa einhver fyrirtæki ráðið inn starfsmenn í gegnum átakið en fengið synjun eftir á frá Vinnumálastofnun þar sem stofnunin hafði ekki tryggt frá upphafi að starfsmenn uppfylltu skilyrði ráðningarstyrks,“ segir í minnisblaðinu og er þetta sagt geta valdið fyrirtækjum og starfsfólki óþægindum og jafnvel uppsögn.

Eftirspurn eftir ráðningarstyrkjum er sögð hafa verið ansi mikil að undanförnu en þann 3. júní, daginn sem minnisblaðið er dagsett, var búið að skrá um 9.700 störf í átakið en aðeins hafði tekist að ráða í 2.700 störf.

Þegar Fréttablaðið leitaði viðbragða hjá Unni Sverrisdóttur, forstjóra Vinnumálastofnunar, vildi hún ekki tjá sig um þessa gagnrýni en sagði að skoða þurfi ferla stofnunarinnar til að sjá hversu mörg mál er um að ræða og fleiri atriði.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 16 klukkutímum

Svartir dagar hjá starfsfólki Kamba – Sjötíu sagt upp og fengu ekki greidd laun um mánaðamótin

Svartir dagar hjá starfsfólki Kamba – Sjötíu sagt upp og fengu ekki greidd laun um mánaðamótin
Fréttir
Fyrir 16 klukkutímum

Gufunesmálið: Þrír sitja núna í gæsluvarðhaldi

Gufunesmálið: Þrír sitja núna í gæsluvarðhaldi
Fréttir
Fyrir 18 klukkutímum

Vilja kanna jarðgangagerð í Reykjavík

Vilja kanna jarðgangagerð í Reykjavík
Fréttir
Fyrir 19 klukkutímum

Litáískur barnaníðingur kom sér undan refsingu með því að koma til Íslands – Neitar nú að fara aftur heim

Litáískur barnaníðingur kom sér undan refsingu með því að koma til Íslands – Neitar nú að fara aftur heim
Fréttir
Fyrir 23 klukkutímum

Maður lést í slysinu á Reykjanesbraut í gær

Maður lést í slysinu á Reykjanesbraut í gær
Fréttir
Fyrir 23 klukkutímum

Skutu hart á meirihlutann fyrir bókun gegn hækkun veiðigjalda – Stórútgerðin hafi rústað starfsemi í sjávarplássunum

Skutu hart á meirihlutann fyrir bókun gegn hækkun veiðigjalda – Stórútgerðin hafi rústað starfsemi í sjávarplássunum
Fréttir
Í gær

Skefur ekki utan af hlutunum – „Við getum ekki treyst Bandaríkjunum“

Skefur ekki utan af hlutunum – „Við getum ekki treyst Bandaríkjunum“
Fréttir
Í gær

Er tollastríð Trump bara byrjunin á stórri áætlun? – Mar-a-Lago-áætlunin

Er tollastríð Trump bara byrjunin á stórri áætlun? – Mar-a-Lago-áætlunin