Í gærkvöldi var staðfest að fjórir hefðu greinst með kórónuveiruna í Þorlákshöfn. Um hópsmit er að ræða í samfélaginu og var enn verið að vinna úr sýnatökum í gærkvöldi að sögn Morgunblaðsins sem segist hafa heimildir fyrir þessu.

Haft er eftir Elliða Vignissyni, bæjarstjóri í Ölfusi, að enn sé verið að skoða málið og að staðfest hafi verið að um einhver smit sé að ræða en ekki sé um stóran hóp að ræða. „Miðað við reynsluna sem við höfum af undanförnum misserum er ljóst að nokkuð stór hópur þarf að fara í sóttkví. Þetta virðist þó vera afmarkað og við vonum að þetta nái ekki samfélagssmiti,“ er haft eftir honum.

Morgunblaðið segir að ekki liggi fyrir upplýsingar um hvort hinir smituðu hafi verið í sóttkví þegar þeir greindust. Almannavarnadeild ríkislögreglustjóra vildi ekki tjá sig um málið í gærkvöldi.