fbpx
Föstudagur 04.apríl 2025
Fréttir

Rannsókn á mengun frá gosinu í Holuhrauni – „Það er ekki hægt að útiloka að einhver hafi dáið“

Kristján Kristjánsson
Miðvikudaginn 14. apríl 2021 09:00

Frá gossvæðinu í Geldingadal. Mynd/Valli

Ekki missa af Helstu tíðindum dagsins í pósthólfið þitt

Lesa nánar

Niðurstöður nýrrar rannsóknar sýna að brennisteinssýra í andrúmsloftinu vegna eldgossins í Holuhrauni hafði ekki síður áhrif á öndunarfærasjúkdóma en brennisteinsdíoxíð. Um 20% fleiri leituðu á heilsugæslustöðvar vegna öndunarfærasjúkdóma og 20% meira var tekið út af lyfjum vegna þeirra.

Fréttablaðið skýrir frá þessu í dag. Haft er eftir Hanne Krage Carlsen, doktor í lýðheilsufræðum við Gautaborgarháskóla, að niðurstöðurnar hafi komið á óvart. Hún gerði rannsóknina í samstarfi við eldfjallafræðinginn Evgeníu Ilynskaja. Rannsóknin hefur verið birt í tímaritinu Nature Communications en hún var unnin af Háskóla Íslands og Háskólanum í Leeds.

Á meðan á gosinu í Holuhrauni stóð voru gefnar út viðvaranir vegna brennisteinsdíoxíðsmengunar en engar viðvaranir voru gefnar út vegna brennisteinssýrunnar sem ummyndaðist i gosmekkinum. Áhrif hennar voru meiri á eldra fólk og komu aðallega fram samdægurs eða innan örfárra daga. „Okkur dettur í hug að aldraðir hafi passað sig meira þegar viðvaranir komu um brennisteinsdíoxíð,“ er haft eftir Hanne.

Mengunar varð vart í Reykjavík, um 250 kílómetra frá Holuhrauni, haustið 2014. Einnig er vitað að agnir frá gosinu í Holuhrauni bárust til meginlands Evrópu en engar rannsóknir eru til um heilsufarsleg áhrif gossins þar eða langtímaáhrif þess hér á landi. Helstu sjúkdómarnir sem fylgdu menguninni voru astmi, bronkítis, lungnabólga og nefrennsli.

Á heimsvísu látast rúmlega þrjár milljónir manna ótímabærum dauða árlega vegna mengandi agna, bæði frá eldfjöllum og manngerðra.

Hanne og Evgenía fengu ekki aðgang að gögnum um dánartíðni hér á landi og því sagðist Hanne ekki treysta sér til að fullyrða að einhver hafi látist vegna gossins í Holuhrauni en sagði: „Það er ekki hægt að útiloka að einhver hafi dáið.“ Hún benti jafnframt á að einn og einn dagur hér á landi á fjögurra mánaða tímabili væri ekki sambærilegt við að búa í mengaðri stórborg.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 14 klukkutímum

Leggjast gegn dýrafrumvarpi Ingu Sæland – Ofnæmisvakar geti borist á milli íbúða

Leggjast gegn dýrafrumvarpi Ingu Sæland – Ofnæmisvakar geti borist á milli íbúða
Fréttir
Fyrir 15 klukkutímum

Heiðar um tolla Trumps – „Þetta er afskaplega skammsýnt“

Heiðar um tolla Trumps – „Þetta er afskaplega skammsýnt“
Fréttir
Í gær

Margrét segir að sér gefist kostur á að afgreiða meiðyrðamál Barböru gegn sér með afsökunarbeiðni og spyr FB-vini sína ráða

Margrét segir að sér gefist kostur á að afgreiða meiðyrðamál Barböru gegn sér með afsökunarbeiðni og spyr FB-vini sína ráða
Fréttir
Í gær

Reykjavík þarf að borga konu sem rekin var úr starfi eina milljón króna í bætur

Reykjavík þarf að borga konu sem rekin var úr starfi eina milljón króna í bætur
Fréttir
Í gær

Leigubílaharkari kúgaði fé út úr fjölskyldu – „Daginn eftir var bankað upp á hjá honum og þar voru tveir menn að rukka“

Leigubílaharkari kúgaði fé út úr fjölskyldu – „Daginn eftir var bankað upp á hjá honum og þar voru tveir menn að rukka“
Fréttir
Í gær

Mótmæla frumvarpi um rekstur líkhúsa – Sé ekkert annað en skattlagning á dánarbú

Mótmæla frumvarpi um rekstur líkhúsa – Sé ekkert annað en skattlagning á dánarbú