Íslenski karlmaðurinn sem var handtekinn á Spáni í vikunni, grunaður um ítrekuð kynferðisbrot gegn börnum er Ómar Traustason fæddur 1961. Ómar var sakfelldur fyrir kynferðisbrot gegn fjórum drengjum í Vestmannaeyjum árið 1994. Hann var jafnframt ákærður fyrir brot gegn öðrum dreng árið 2012 og var sakfelldur í héraði en sýknaður í Hæstarétti.

Ómar var handtekinn á Spáni í vikunni og situr nú í varðhaldi fram að réttarhöldum. Lögreglufulltrúi La Guardia Civil sagði í samtali við mbl.is að sönnunargögnun gegn Ómari séu sterk. Handtakann var liður í umfangsmikilli aðgerð lögregu sem beint var að barnaníðingum.

Hann er grunaður um brot gegn átta börnum sem hann hafði beitt tælingu til að fá til lags við sig. Upp um brotin mun hafa komist eftir kvartanir frá fjölskyldum og aðstandendum meintra þolenda. Samkvæmt spænskum fjölmiðlum mun barnaklám hafa fundist á síma og á fartölvu Ómars og er hann sagður hafa notast við sömu aðferðafræði í öllum málunum. Hann nálgaðist börnin, fékk þau til að treysta sér og bauð þeim svo greiðslu gegn því að fá að brjóta á þeim.

Árið 1994 var Ómar dæmdur í 10 mánaða fangelsi fyrir kynferðisbrot gegn fjórum drengum í Vestmannaeyjum. Brotin voru framin á tímabilinu mars 1990 til janúar 1992. Frá þessu greinir Fréttablaðið. 

Aftur var hann ákærður fyrir barnaníð árið 2013 en þar var hann sakaður um ítrekuð brot gegn karlmanni er hann var á unglingsaldri. Töluverður tími var liðinn frá meintum brotum þegar þau voru kærð en brotin áttu sér stað 2001.

Var hann sakfelldur í Héraðsdómi Reykjaness og dæmdur í þriggja ára fangelsi. Niðurstöðu Héraðsdóms var þó snúið við í Hæstarétti en rökin fyrir sýknu voru þau að þrátt fyrir trúverugðan framburðs meints þolanda þá væri enginn frekari sönnunargögn til að styðja við frásögnina.  Taldi meirihluti dómara að þrátt fyrir að Ómar hafi áður verið sakfelldur fyrir kynferðisbrot gegn fjórum drengjum þá hefði það ekki sönnunargildi í þessu tiltekna máli.

Einn þolenda Ómars, Aron, var bráðkvaddur á heimili sínu í Vestmannaeyjum árið 2013, en samkvæmt móður hans jafnaði hann sig aldrei eftir misnotkunina. Hún steig fram í einlægu viðtali við DV til að vekja athygli á stöðu margra þolenda kynferðisofbeldis og hversu alvarlegar og lífshættulegar afleiðingarnar geta verið.  Aron var jarðsettur nokkrum dögum áður en Ómar var sýknaður í Hæstarétt.

Móðir Arons sagði það svartan blett á íslensku réttarkerfi að Ómar haf sloppið með aðeins 10 mánaða dóm fyrir brot gegn fjórum ungum drengjum.

„Ómar fær 10 mánaða dóm fyrir barnaníð, það er svartur blettur á íslensku réttarkerfi, þessir drengir á sínum tíma, fengu lífstíðardóm og sonur minn í reynd dauðadóm,“ sagði Helga í viðtali við DV í október 2013. Aron hafi verið lífsglaður drengur og góður námsmaður allt þar til Ómar braut gegn honum. „Við fengu hann aldrei til baka.“