Fréttablaðið skýrir frá þessu í dag. „Gosið gæti jafnvel farið í að mynda hraunskjöld eða dyngju,“ sagði hann. Þegar hann var spurður um hugsanlega tímalengd svaraði hann: „Eigum við ekki að byrja á því að tala varlega og segja mánuði til ár eða nokkur ár.“ Sem dæmi nefndi hann gos á Havaí sem stóð frá 1983 til 2018. Þar hafi jafnvægi náðst í framleiðni á kviku upp á fimm til tíu rúmmetra á sekúndu en það er sama magn og flæðir út í Geldingadal. Hann tók þó fram að ekkert sé gefið í þessu og gosinu geti þess vegna lokið á morgun eða staðið næstu þrjátíu árin eða lengur.
Þetta veldur því að hraunið safnast í eina stóra tjörn undir harðnaðri skorpu en undir henni er glóandi hraun sem er mjög heitt. Hann ráðleggur fólki því að stíga alls ekki upp á hraunið.
Hann sagði kvikuna vera í heitari kantinum því hún sé frekar frumstæð en hún kemur af 17 til 20 kílómetra dýpi.
Í umfjöllun Morgunblaðsins um málið í dag kemur einnig fram að vísbendingar séu um að hér sé um dyngjugos að ræða en þau hafa varla orðið frá lokum ísaldar. Rennsli dyngjugosa er yfirleitt hægt en þau geta staðið yfir í langan tíma. Haft er eftir Magnúsi Á. Sigurgeirssyni, jarðfræðingi, að ekki sé hægt að útiloka að það muni gerast í Geldingadal.
