fbpx
Föstudagur 04.apríl 2025
Fréttir

Björgunarsveitir að störfum við gossvæðið – „Búumst við hinu versta“

Kristján Kristjánsson
Mánudaginn 22. mars 2021 04:23

Björgunarsveitarbíll á vettvangi í nótt. Mynd:Landsbjörg

Ekki missa af Helstu tíðindum dagsins í pósthólfið þitt

Lesa nánar

Björgunarsveitarmenn vöktuðu gosstöðvarnar í Geldingadal í gær og í gærkvöldi sem og gönguleiðirnar að þeim. Í gærkvöldi fjölgaði verkefnum þeirra töluvert og þurftu björgunarsveitarmenn að koma tugum manns til aðstoðar. Fleiri björgunarsveitarmenn voru kallaðir út til aðstoðar í nótt og er verið að grennslast fyrir um fólk sem talið er að sé á svæðinu.

Þetta kemur fram í tilkynningu frá Landsbjörg og í umfjöllun RÚV. Meirihluti þeirra sem þurfti að aðstoða í gær var örmagna eftir langa göngu og eitthvað var um minniháttar slys og nokkrir villtust.

Veðurstofan og lögreglan vöruðu í gær við mjög slæmri veðurspá fyrir gossvæðið og hvatti fólk til að snúa strax við ef það væri á svæðinu. Skilaboð með þessum upplýsingum voru send í farsíma fólks sem var á svæðinu.

RÚV hefur eftir Steinari Þór Kristinssyni, hjá aðgerðarstjórn Landsbjargar í Grindavík, að veðrið sé nú orðið mjög slæmt og að hann óttist hið versta fyrir nóttina. Byrjað er að svipast um eftir fólki í hrakningum og verið er að fjölga björgunarsveitarmönnum á svæðinu.

Staðan er bara að versna. Það er vaxandi veður og það er komin úrkoma og spáð bara arfavitlausu veðri hérna um eitt leytið og það er bara að bresta á. Við erum nú þegar farin í eftirgrennslan eftir fólki hérna úti í hrauni og við viljum bara fá alla í bíla og heim,” hafði RÚV eftir Steinari um klukkan eitt.

Lögregla og björgunarsveitir hafa staðið vaktina við gosstöðvarnar. Mynd:Landsbjörg

Hann sagði að töluvert af bílum væru úti í kanti á þeim stöðum sem gosskoðunarfólk hefur verið að leggja á og því megi draga þá ályktun að enn sé eitthvað af fólki í kringum gosstöðvarnar. Veðrið sé orðið mjög slæmt og eigi bara eftir að versna.

 „Það er hávaðarok hérna og úrkoma. Það er talað um allt að 15 metra á sekúndu og það er mikil úrkoma og kalt, alveg niður í tvær gráður. Ef fólk er ekki þeim mun betur búið, þá lítur þetta illa út. Það er bara verið að fara í stórt útkall hérna á svæðunum í kring og við bara búumst við hinu versta. Staðan er bara orðin þannig,” sagði hann í samtali við RÚV.

Þá voru 50 til 100 björgunarsveitarmenn á vettvangi og verið að fjölga þeim.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 13 klukkutímum

Leggjast gegn dýrafrumvarpi Ingu Sæland – Ofnæmisvakar geti borist á milli íbúða

Leggjast gegn dýrafrumvarpi Ingu Sæland – Ofnæmisvakar geti borist á milli íbúða
Fréttir
Fyrir 14 klukkutímum

Heiðar um tolla Trumps – „Þetta er afskaplega skammsýnt“

Heiðar um tolla Trumps – „Þetta er afskaplega skammsýnt“
Fréttir
Í gær

Margrét segir að sér gefist kostur á að afgreiða meiðyrðamál Barböru gegn sér með afsökunarbeiðni og spyr FB-vini sína ráða

Margrét segir að sér gefist kostur á að afgreiða meiðyrðamál Barböru gegn sér með afsökunarbeiðni og spyr FB-vini sína ráða
Fréttir
Í gær

Reykjavík þarf að borga konu sem rekin var úr starfi eina milljón króna í bætur

Reykjavík þarf að borga konu sem rekin var úr starfi eina milljón króna í bætur
Fréttir
Í gær

Leigubílaharkari kúgaði fé út úr fjölskyldu – „Daginn eftir var bankað upp á hjá honum og þar voru tveir menn að rukka“

Leigubílaharkari kúgaði fé út úr fjölskyldu – „Daginn eftir var bankað upp á hjá honum og þar voru tveir menn að rukka“
Fréttir
Í gær

Mótmæla frumvarpi um rekstur líkhúsa – Sé ekkert annað en skattlagning á dánarbú

Mótmæla frumvarpi um rekstur líkhúsa – Sé ekkert annað en skattlagning á dánarbú