Una Guðmundsdóttir sælkeri DV er hér með klassíska og skothelda uppskrift fyrir helgina.  „Ekta föstudagsmatur eða fullkomið helgarnasl.“

Nachos-flögur
2 stk. tómatar
1 stk. blaðlaukur
¼ rauðlaukur
½ dós gular baunir
½ dós svartar baunir
Rifinn ostur
5-10 stk. jalapeno
Ferskt kóríander ef vill

Byrjið á að stilla ofninn á 180 gráður. Setjið helminginn af nachosflögunum í eldfast form, ost yfir, endurtakið tvisvar sinnum og endið á að setja smá ost á toppinn.
Saxið niður smátt tómata, rauðlauk og blaðlauk og setjið yfir flögurnar.

Sigtið vatnið frá gulu baununum og stráið þeim yfir. Sigtið vatnið af svörtu baununum og skolið þær áður en þeim er stráð yfir nachos-flögurnar, setjið svo rifinn ost yfir allt saman, jalapeno er stráð yfir ostinn.

Setjið í ofn í um 15 mínútur eða þar til osturinn er farinn að bráðna. Setjið eina góða klípu af sýrðum rjóma í miðjuna á nachosinu, berið fram með salsasósu,  guacamole eða hvaða sósu sem ykkur langar að dýfa flögunum í.