fbpx
Fimmtudagur 03.apríl 2025
Fréttir

Danir sagðir ógna viðræðunum við Pfizer

Kristján Kristjánsson
Þriðjudaginn 12. janúar 2021 07:55

Kári og Þórólfur hafa átt í viðræðum við Pfizer að undanförnu.

Ekki missa af Helstu tíðindum dagsins í pósthólfið þitt

Lesa nánar

Að undanförnu hafa Þórólfur Guðnason, sóttvarnalæknir, og Kári Stefánsson, forstjóri Íslenskrar erfðagreiningar, átt í viðræðum við Pfizer um rannsókn á áhrifum bóluefnis á heila þjóð. Hugmyndin er að Ísland fái nægilega mikið bóluefni til að bólusetja stóran hluta þjóðarinnar á skömmum tíma og ná þannig hjarðónæmi. En nú eru Danir að öllum líkindum að eyðileggja þetta fyrir okkur að sögn Kára.

Fréttablaðið skýrir frá þessu í dag. Ástæðan sé trúnaðarbrestur umboðsmanns Pfizer í Skandinavíu en það er dönsk kona að nafni Mette. Hún sat fund sem Þórólfur og Kári áttu með vísindamönnum hjá Pfizer. Tveimur dögum síðar fékk Kári skilaboð frá yfirmanni dönsku sóttvarnastofnunarinnar, Statens Serum Institut, um að Danir hefðu átt í viðræðum við Pfizer.

„Hann sagði að Mette hefði sagt þeim frá viðræðunum og hann ætlaði að reyna að sjá til þess að Danir fengju að vera með,“ hefur Fréttablaðið eftir Kára.

Haft er eftir Kára að það sé fráleitt að Íslendingar og Danir geti verið saman í þessu. Ísland hafi sérstöðu og hér á landi sé hægt að vinna góða rannsókn. „Mette hafði ekki heimild til að segja frá þessu, hún kjaftaði frá, og þeir ætla að reyna að lauma sér inn í þetta á einhvern máta sem ekki er hægt,“ sagði hann. Aðspurður sagðist hann ekki vita hver staðan í málinu sé núna en búist við að heyra frá Pfizer fyrri hluta vikunnar.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 11 klukkutímum

Þorvaldur: Gætum átt von á óvæntum atburðum – „Það kæmi mér ekki á óvart“

Þorvaldur: Gætum átt von á óvæntum atburðum – „Það kæmi mér ekki á óvart“
Fréttir
Fyrir 11 klukkutímum

Staðan á Reykjanesskaga: 80-120 skjálftar mælast á hverri klukkustund

Staðan á Reykjanesskaga: 80-120 skjálftar mælast á hverri klukkustund
Fréttir
Fyrir 22 klukkutímum

Trump tilkynnir um tolla á innflutning – „Dagur frelsunar“

Trump tilkynnir um tolla á innflutning – „Dagur frelsunar“
Fréttir
Fyrir 23 klukkutímum

Jónas Már úthúðar Sjálfstæðisflokknum og Morgunblaðinu – Alvöru blaðamenn hljóti að íhuga stöðu sína

Jónas Már úthúðar Sjálfstæðisflokknum og Morgunblaðinu – Alvöru blaðamenn hljóti að íhuga stöðu sína
Fréttir
Í gær

Litáískur barnaníðingur kom sér undan refsingu með því að koma til Íslands – Neitar nú að fara aftur heim

Litáískur barnaníðingur kom sér undan refsingu með því að koma til Íslands – Neitar nú að fara aftur heim
Fréttir
Í gær

Stefán Einar svarar fyrir sig: „Fólk þarf ekki að mæta og það þarf ekki að hlusta”

Stefán Einar svarar fyrir sig: „Fólk þarf ekki að mæta og það þarf ekki að hlusta”