Alls greindust 15 manns á föstudag og laugardag með Covid-19. Þar af er eitt ungabarn sem er nú í einangrun. Barnið sýnir mild einkenni og líður ekki illa að sögn Morgunblaðsins.

Barnið smitaðist á Austurlandi en er ekki búsett þar. Í  tilkynningu   frá   aðgerðastjórn   á   Austurlandi  í  gær  kom  fram  að  hún  hefði miklar   áhyggjur   af   stöðu   mála   í landshlutanum.  Smitum  hafi  fjölgað úr   tveimur   í   sjö   og   eru   íbúar   á Austurlandi  hvattir  til  að  huga  vel að einstaklingsbundnum   sóttvörnum.

Nú eru því fjögur börn 12 ára og yngri í einangrun með kórónuveirusmit, eitt ungabarn yngra en eins árs, eitt barn í aldurshópnum 1-5 ára og tvö börn á aldrinum 6-12 ára. Alls eru 121 í einangrun og 560 manns í sóttkví.

Ekki til útlanda eftir morgundaginn 

Frá  og  með  19.  ágúst  næstkomandi  verða  öll  lönd  og  svæði  heims skilgreind  sem  áhættusvæði.  Íbúum hér á landi er ráðlagt að ferðast ekki til  áhættusvæða og er þeim í raun ráðið frá öllum ferðalögum til útlanda. Heimkomusmitgátt hefur verið hert og er nú er farið fram á tvöfalda sýnatöku við komu til landsins.