Í vikunni féllu miklar aurskriður féllu í Seyðisfirði. Þær skæðustu féllu í gær en þær hrifsuðu tíu hús með sér og sluppu einhverjir íbúar naumlega undan skriðunni. Ljóst er að eignatjónið vegna húsanna er gríðarlegt. Tekin var ákvörðun um að rýma Seyðisfjörð í gærkvöldi og er unnið að því að koma íbúum í skjól.

Ekki er víst að allir geri sér grein fyrir því hve mikil eyðileggingin er á Seyðisfirði vegna hörmunganna. Twitter-notandinn Jón Kolbeinn birti í gær tvær myndir sem sýna svart á hvítu hversu mikið aurskriðan gerði. Myndirnar sem Jón birti eru teknar frá svipuðu sjónarhorni og lýsa hörmungunum afar vel.

Færslu Jóns og myndirnar má sjá hér fyrir neðan:

Þessar tvær myndir eru teknar frá svipuðu sjónarhorni þær lýsa eyðileggingunni og ástandinu mjög vel pic.twitter.com/GWAv4CTpnO

— Jón Kolbeinn Guðjóns (@JonKolbeinn) December 18, 2020

Færslan hefur vakið mikla athygli og hafa hundruðir Íslendinga sett hjarta við hana. Þá tjáðu margir sig um eyðilegginguna í athugasemdum undir tístinu. „Þetta er svo óraunverulegt. Elsku fjörðurinn okkar fagri,“ segir kona nokkur. „Hræðilegt að sjá þetta,“ segir önnur.

Þá lítur ein kona á björtu hliðina í málinu en það er að engin lét lífið vegna hörmungana. „Þetta er alger hryllingur. Mikið finn ég til með ykkur sem þarna búið. Ég er í áfalli yfir þessu þó ekki snerti þessar hörmungar mig persónulega. En ég gleðst um leið yfir að enginn kenndi sér meins. Mannslífin eru mest virði. Samúðarkveðja til allra sem misstu húsin sín.“