fbpx
Föstudagur 04.apríl 2025
Fréttir

Ólafur Helgi boðaður í yfirheyrslu hjá héraðssaksóknara

Kristján Kristjánsson
Fimmtudaginn 3. desember 2020 07:50

Ólafur Helgi Kjatansson - Mynd/GVA

Ekki missa af Helstu tíðindum dagsins í pósthólfið þitt

Lesa nánar

Ólafur Helgi Kjartansson, fyrrverandi lögreglustjóri á Suðurnesjum, hefur verið boðaður í yfirheyrslu hjá héraðssaksóknara og það sama á við um tvo starfsmenn embættisins. Starfsmennirnir hafa verið sendir í leyfi vegna rannsóknarinnar.

Fréttablaðið skýrir frá þessu í dag. Blaðið segist ekki hafa staðfestar heimildir fyrir hvert sakarefnið sé en blaðið segist hafa heimildir fyrir að starfsmennirnir hafi verið kallaðir á fund lögreglustjóra í haust til að ræða meint trúnaðarbrot.

Ólafur Helgi tók við starfi sérfræðings í dómsmálaráðuneytinu eftir að hann lét af störfum sem lögreglustjóri í ágúst. Miklar deilur höfðu verið innan embættisins um sumarið og þar á undan var mikið um samskiptaörðugleika. Aðstoðarsaksóknari, mannauðsstjóri og yfirlögfræðingur embættisins fóru þá í veikindaleyfi eftir að tveir starfsmenn kvörtuðu við Ólaf Helga undan einelti.

Fréttablaðið segist hafa heimildir fyrir að meint trúnaðarbrot snúi að hluta til að birtingu bréfs sem Ólafur sendi dómsmálaráðuneytinu í sumar. Í því fór hann meðal annars fram á að ráðuneytið skoðaði veikindaleyfi yfirmanna nánar og sagði að með ólíkindablæ að yfirmennirnir hafi veikst samtímis eftir að hafa lent í deildum við lögreglustjóra. Ólafur Helgi vildi ekki tjá sig um málið þegar Fréttablaðið leitaði viðbragða hjá honum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 18 klukkutímum

Sparnaðarráðum rignir inn til Reykjavíkurborgar – „Mjög illa farið með opinbert fé að hluti þess fari í að greiða fjármagnseigendum arð“

Sparnaðarráðum rignir inn til Reykjavíkurborgar – „Mjög illa farið með opinbert fé að hluti þess fari í að greiða fjármagnseigendum arð“
Fréttir
Fyrir 20 klukkutímum

Hætti við ferðina vegna áreitis en fær ekki endurgreitt

Hætti við ferðina vegna áreitis en fær ekki endurgreitt
Fréttir
Í gær

Þorvaldur: Gætum átt von á óvæntum atburðum – „Það kæmi mér ekki á óvart“

Þorvaldur: Gætum átt von á óvæntum atburðum – „Það kæmi mér ekki á óvart“
Fréttir
Í gær

Staðan á Reykjanesskaga: 80-120 skjálftar mælast á hverri klukkustund

Staðan á Reykjanesskaga: 80-120 skjálftar mælast á hverri klukkustund
Fréttir
Í gær

Trump tilkynnir um tolla á innflutning – „Dagur frelsunar“

Trump tilkynnir um tolla á innflutning – „Dagur frelsunar“
Fréttir
Í gær

Jónas Már úthúðar Sjálfstæðisflokknum og Morgunblaðinu – Alvöru blaðamenn hljóti að íhuga stöðu sína

Jónas Már úthúðar Sjálfstæðisflokknum og Morgunblaðinu – Alvöru blaðamenn hljóti að íhuga stöðu sína