Fasteignasalan Stakfell hefur undanfarið staðið fyrir afar vinsælum verðlaunaleik þar sem meðal annars er hægt að vinna Playstation 5 leikjatölur og margt fleira. Því miður hafa óprúttnir aðilar villt á sér heimildir og sett upp falska síðu sem þykist vera að reka leikinn. Er þar reynt að blekkja fólk til að veita kortaupplýsingar.
Stakfell hefur sent frá sér eftirfarandi tilkynningu vegna málsins:
„ÓPRÚTTNIR JÓLASVEINAR Á FERÐ. Við hjá Stakfell Fasteignasölu viljum vara alla sem eru að taka þátt í leikjum á Facebook við að samþykkja aldrei vinabeiðnir eða opna hlekki sem þau fái sent, þó það líti út fyrir að vera í nafni viðkomandi fyrirtækis sem er að halda gjafaleikinn.
Þessa tilkynningu komum við með í ljósi þess gríðarlega áhuga sem er á leik sem við settum í loftið í gær þar sem við erum að gefa heitustu jólagjöfina 2020, Playstation 5. En þar virðist sem einhver óprúttinn aðili hafi stofnað aðgang á facebook í okkar nafni og sé að senda vírus hlekki á þáttakendur í leiknum hjá okkur og biðja þá um kortaupplýsingar og tilkynna þeim að þau hafi unnið.“
Lesendum til glöggvunar skulu hér birtir hlekkir bæði á Facebook-síðu Stakfells og á svindlsíðuna
