Katrín Rut Jóhannsdóttir hefur sent út hjálparbeiðni á Facebook. Takist henni ekki að útvega 500.000 krónur í tryggingu lendir hún á götunni með börnin sín. Hún neyðist til að flytja út úr leiguhúsnæði í Vogum á Vatnsleysuströnd vegna myglu. Leigsalinn vill ekki endurgreiða henni trygginguna þar sem hún segir upp samningnum. Hún hefur fundið aðra íbúð en þarf að greiða 500.000 krónur í tryggingu til að geta flutt inn.
Katrín flúði ofbeldissamband í Svíþjóð en hún fer yfir málið með þessum orðum:
„Ég get hvorki boðið sjálfri mér né börnunum mínum uppá þetta lengur
Hjálp!!!!
Ég flutti til Íslands frá Svíþjóð í maí úr mjög slæmu ofbeldissambandi sem ég þurfti að flýja úr með börnin mín 3 og fann til leigu litið sætt einbýlishús í vogunum á Vatnsleysuströnd og ætluðum við algjörlega að byrja uppá nýtt og byggja okkur upp gott og öruggt líf en eftir svolítinn tíma hérna þá fór mig að gruna að það væri eitthvað að hérna því ég og krakkarnir erum alltaf þreytt,slöpp með öndunarfæraeinkenni,hausverk og ég var orðin svo veik um daginn að ég fór í covid test sem var sem betur fer neikvætt en þá kom í ljós að það er allt morandi í myglusvepp hérna og ég er búin að rifta húsaleigusamningnum og leigusalinn er með 3 mánaða uppsagnarfrest þá fæ ég ekki trygginguna tilbaka og þetta er meiri háttar mál útaf myglusveppnum þá er það eina sem skiptir máli núna er að koma okkur útúr húsinu hérna .Ég er búin að finna aðra íbúð handa okkur í njarðvík en leigusalinn vill fá 500.000 kr tryggingu og það er ekki eitthvað sem ég týni upp af götunni einstæð með 3 börn á örorku + það að búslóðin okkar er ónýt þá langar mig að kalla eftir ykkar aðstoð þar sem ég hef engan til að aðstoða mig.“
https://www.facebook.com/katrinrut.johannsdottir.92/posts/171566491311164
