Aðgerðarstjórn almannavarna á Norðurlandi vestra hvetur íbúa Norðurlands vestra að takmarka eins og kostur er öll ferðalög til höfuðborgarsvæðisins sem og önnur svæði sem talin eru útsett fyrir kórónuveirusmitum. Eins bendir aðgerðarstjórn á að fyrirmæli sóttvarnaryfirvalda til höfuðborgarbúa að halda sig heima eins og kostur gefst.
Aðgerðarstjórn segir að ástandið á Norðurlandi vestra sé ásættanlegt en kveðst hafa áhyggjur af þróun mála annars staðar á landinu.
„Aðgerðarstjórn hefur þungar áhyggjur af ástandinu og þeirri þróun sem við blasir þó svo að ástandið á Norðurlandi vestra sé ásættanlegt þar sem þrír eru í einangrun“
Því eru íbúar Norðurlands eystra beðnir um að forðast höfuðborgarsvæðið sem og önnur svæði á landinu þar sem mikið er um smit kórónuveirunnar. Eins eru íbúar höfuðborgarsvæðisins hvattir til að fara að fyrirmælum sóttvarnayfirvalda og halda sig heima.
„Jafnframt er rétt að benda á ný tilmæli sóttvarnayfirvalda um að íbúar höfuðborgarsvæðisins takmarki ferðalög sín út fyrir svæðið og haldi sig heima eins og kostur er. Með slíkum aðgerðum er verið að lágmarka möguleikana á því að ný smit berist inn landshlutann“
Faraldur COVID-19 krefist þolinmæði, ábyrgðar og skynsemi. Nú sem aldrei áður séum við öll almannavarnir og framhaldið sé undir okkur öllum komið.
„Öllum er ljóst að þreyta og leiði vegna þessara aðgerða er mikill hjá íbúum svæðisins sem og landsins alls en sú þróun sem við okkur blasir kallar á að við öll sýnum ábyrgð og skynsemi gagnvart þessu stóra verkefni.
Slagorðið“ við erum öll almannavarnir“ hefur sennilega aldrei átt betur við en nú.
Árangurinn er undir okkur sjálfum kominn.“
