Ásthildur Sturludóttir, bæjarstjóri Akureyrar, biður íbúa höfuðborgarsvæðisins um að fara ekki út á land þar sem minna er um kórónuveirusmit á landsbyggðinni en í kringum Reykjavík.

Þetta segir Ásthildur í samtali við RÚV. Hún segir að íbúar á Akureyri séu að fylgja reglum og þess vegna sé svo lítið af smitum þar, miðað við höfuðborgarsvæðið. Á höfuðborgarsvæðinu greindust í gær 95 smit en 99 smit greindust í heildina. Þá eru 640 á höfuðborgarsvæðinu af þeim 747 sem eru í einangrun.

Bæjarstjórinn segist vera sammála Þórólfi Guðnasyni sóttvarnarlækni um að herða aðgerðir á höfuðborgarsvæðinu. „Mér finnst þær mjög eðlilegar þessar aðgerðir og skiljanlegar,“ segir Ásthildur og bætir við að þær hefðu kannski mátt taka gildi fyrr.