Milli klukkan 13 og 14 í dag í dag barst stjórnstöð Landhelgisgæslunnar beiðni um aðstoð frá skipverja sem staddur var úti fyrir ströndum og var með verk fyrir hjarta.

Skipverjinn var einn um borð í fiskibáti og sigldi í átt að Norðurfirði.

Þyrlusveit Landhelgisgæslunnar var þegar í stað kölluð út, sem og björgunarsveitarmenn frá Slysavarnafélaginu Landsbjörgu, sem sigldu á móti honum og fylgdu í land.

Áhöfnin á TF-GRO tók á móti manninum í Norðurfirði og kom honum undir læknishendur í Reykjavík.

Meðfylgjandi eru myndir sem Landhelgisgæslan sendi á fjölmiðla vegna málsins.