Ólöf Snæhólm Baldursdóttir, upplýsingafulltrúi Veitna var á upplýsingafundi Almannavarna í dag vegna þess að í nótt verður skrúfað fyrir heitt vatn í stórum hluta höfuðborgarsvæðisins. Lokað verður í hluta Hafnafjarðar, Garðabæjar, Kópavogs og í Norðlingaholti, en umrædd lokun mun standa yfir í ræíflega þrjátíu klukkustundir, frá og með klukkan tvö í nótt.

Ólöf ræddi þessar heita vatns-lokanir og endaði mál sitt á því að gefa góð ráð til þeirra sem munu fyrir þeim finna. Það varðaði til að mynda að hafa glugga og dyr opnar. Þá sagði hún að fólk skyldi ekki vera að eiga við heitavatns krana.

„Svo langar mig að koma með nokkur góð ráð til íbúa á þessum svæðum. Ég hvet fólk til að loka gluggunum í kvöld til að halda hitanum inni í húsunum okkar. Á meðan á þessu stendur skulum við hafa þá lokaða. Höfum útidyr ekki opnar lengur en nauðsyn krefur. Svo skulum við ekkert vera að eiga við heitavatnskrana hvorki við inntak né kranann okkar. Það getur skapað hættu ef skrúfað er frá heita vatninu og gleymt að skrúfa fyrir aftur. Svo kemur heitavatnið á og þá fer að flæða. Það getur bæði verið brunahætta með mjög heitu vatni eða líka tjón eða hætta á eigum.“

Að lokum benti ólöf á að um veigamikla aðgerð væri að ræða og því gætu einhverjir hnökrar komið upp.